កាលពីរាត្រីយប់មិញនេះដែរ កីឡាករ Frank Lampard បានស្វែងរកគ្រាប់បាល់ ២ គ្រាប់ ដោយបំបាក់ក្លិប Aston Villa និងជាគ្រាប់បាល់បំបែកកំណត់ត្រាចាស់ របស់តោខៀវ Bobby Tambling។
សម្រាប់ ២ គ្រាប់ដែលដែលស្វែងរកបានដោយកីឡាករ Frank Lampard នៅនាទី ៦១ និង ៨៨ ដែលជាគ្រាប់បាល់សាងកេរ្តិ៍ឈ្មោះឲ្យតោខៀវជារឿងប្រវត្តិសាស្ត្រក្នុងពិភពបាល់ទាត់ ដោយមានគ្រាប់បាល់ ២០៣ គ្រាប់ ដែលជាគ្រាប់បាល់បំបែកកំណត់ត្រាចាស់ មាន ២០២ គ្រាប់របស់អតីតកីឡាករ Bobby Tambling។ ស្របពេលជាមួយនឹងជ័យជម្នះនេះដែរ បានធ្វើឲ្យតោខៀវឡើងទៅកាន់លំដាប់តារាងទី ៣ នៃក្របខណ្ឌ Champions League។
សម្រាប់ការប្រកួតនេះដែរ បានធ្វើឲ្យទស្សនិកជន នៅពហុកីឡដ្ឋាន Villa Park ស្រែកកញ្ជៀវសឹងតែបាក់ពហុកីឡដ្ឋាន ខណៈដែលម្ចាស់ផ្ទះ Aston Villa បាននាំមុខគ្រាប់បាល់នៅនាទី ១៤ បំប៉ោងសំណាញ់ដោយកីឡាករ Christian Benteke មុនកីឡាករ Ramires ទទួលបានកាតក្រហមនៅនាទី ៤៥ ដែលធ្វើឲ្យតោខៀវបាត់បង់សមាជិក ១ នាក់ ដោយប្រកួត ១០ ទល់នឹង ១១ នាក់។
នៅនាទី ៥៨ កីឡាករ Christian Benteke ក៏ត្រូវបានអាជ្ញាកណ្តាលពិន័យកាតក្រហមផងដែរ ធ្វើឲ្យកំលាំងប្រយុទ្ធរបស់តោខៀវ ១០ ទល់នឹង ១០ នាក់ ដែលជាឱកាសឲ្យតោខៀវមានកំលាំងស្ទុះឡើងវិញ ស្វែងរកគ្រាប់បាល់ស្មើនៅនាទី ៦៦ និងគ្រាប់បាល់ ឈ្នះនៅនាទី ៨៨ ដែលជាគ្រាប់បាល់បំបែកកំណត់ត្រាចាស់៕
https://i1272.photobucket.com/albums/y389/domneng/Aston-Villa-v-Chelsea-Frank-Lampard-celeb_2942698_zps23af3702.jpg
មតិយោបល់