ប្រធានបច្ចេកទេសរបស់ក្រុមហ៊ុន Microsoft (CIO)បានចាកចេញពីមុខតំណែង ដោយទៅ បង្កើត គម្រោងការងារផ្ទាល់ខ្លួន។
យោងតាមការចុះផ្សាយរបស់សារព័ត៌មាន CNet បានឲ្យដឹងថា លោក Tony Scott ដែលជាប្រធានបច្ចេកទេស Microsoft បានលាឈប់ ប៉ុន្តែខាងក្រុមហ៊ុន Microsoft មិនបានប្រកាសឲ្យដឹងជាសាធារណៈនោះទេ។
សារព័ត៌មាន GeekWire ជាអ្នកចុះផ្សាយនូវព័ត៌មាននេះមុនគេ បាននិយាយថា នៅលើគណនី LinkedIn របស់លោក Scott បានប្ដូរពីប្រធានបច្ចេកទេស ទៅជាអតីតប្រធាបច្ចេកទេសវិញ នេះសបញ្ជាក់ឲ្យឃើញថា ប្រធានបច្ចេកទេសរូបនេះ បានលាឈប់ពិតមែន។
យោងតាមការចុះផ្សាយរបស់ GeekWire បានឲ្យដឹងថា នៅពេលនេះ ខាងក្រុមហ៊ុន Microsoft នៅមិនទាន់ជ្រើសតាំងប្រធានបច្ចេកទេសថ្មីនោះទេ ប៉ុន្តែបានជ្រើសតាំងលោក Jim Dubois ដែលជាអនុប្រធានជាន់ខ្ពស់ ឲ្យកាន់តំណែងតំណែងនេះ ក្នុងនាមស្ដីទី។
គួរបញ្ជាក់ផងដែរថា កាលពីឆ្នាំ ២០០៨ លោក Tony Scott បានកាន់តំណែងជាប្រធានបច្ចេកទេសជំនួសលោក Stuat Scott ហើយក្រុមហ៊ុន Microsoft ក៏ធ្លាប់បានកោតសសើរពីស្នាដៃរបស់លោក នៅពេលប្រកាសពីរបាយការណ៍ហរិញ្ញវត្ថុផងដែរ៕
មតិយោបល់