តួគី: លោករដ្ឋមន្ត្រីក្រសួងការពារជាតិតួគី Muammer Guler បាននិយាយកាលពីថ្ងៃអាទិត្យថាមនុស្សដល់ទៅ 1700 នាក់ត្រូវបានចាប់ខ្លួននៅក្នុងការធ្វើបាតុកម្មដែលបានរង្គើសរង្គើលប្រទេសអស់រយពេលប៉ុន្មានថ្ងៃចុងក្រោយនេះ។
ប៉ូលីសបានប្រើប្រាស់ឧស្ម័នបង្ហូរទឹកភ្នែកនិងការបាញ់ទឹកដើម្បីបំបែកហ្វូងបាតុករដែលមាននៅក្នុងកណ្តាលទីក្រុងអានការារបស់តួគី។អជ្ញាធរក៏បានចាប់ខ្លួនបាតុករជាង 1000 នាក់ដែលបាននាំគ្នាទៅប្រមូលផ្តុំគ្នានៅមុខការិយាល័យរបស់លោកនាយករដ្ឋមន្ត្រីផង។
ការប៉ះទង្គិចគ្នានេះបានធ្វើឲ្យមនុស្ស 53 នាក់ដែលមាន 19 នាក់ជាប្រជាជនមកពីទីក្រុងអ៊ីស្តង់ប៊ូលផងបានរងរបួសហើយប៉ូលិស 26 នាក់ ទៀតក៏រងរបួសដែរ។
ការបាតុកម្មត្រូវបានចាប់ផ្តើមធ្វើឡើងពីទីក្រុងអ៊ីស្តង់ប៊ូលនៅពេលដែលរដ្ឋាភិបាលបានកំណត់យកដីដែលជាសួនច្បារដ៏ធំមួយកន្លែងនៅក្នុងទីក្រុងអ៊ីស្តង់ប៊ូលដើម្បីអភិវឌ្ឍជាផ្សារទំនើបជំនួសវិញហើយការរីករាលដាលនៃហ្វូងបាតុករបានទៅដល់ទីក្រុងពីរបីទៀតនិងអូសបន្លាយអស់រយះពេល 5 ថ្ងៃរួចមកហើយ៕
https://i1272.photobucket.com/albums/y389/domneng/3D/_67932630_67932629_zps02e910f5.jpg
https://i1272.photobucket.com/albums/y389/domneng/3D/1_zps37154911.jpg
https://i1272.photobucket.com/albums/y389/domneng/3D/630356-protesters-in-istanbul_zps5be9af54.jpg
https://i1272.photobucket.com/albums/y389/domneng/3D/926518-130603-turkey-protest_zps8b285ce6.jpg
https://i1272.photobucket.com/albums/y389/domneng/3D/Turkish-protesters-have-returned-to-the-streets-of-Istanbul-and-capital-Ankara-after-two-days-of-unrest-_zpsb6740023.jpg
មតិយោបល់