អន្ទង់យក្សមានអាយុកាលរាប់ឆ្នាំមួយ ប្រវែង ១,៥ម៉ែត្រ និងមានទម្ងន់ ១៨គីឡូក្រាម ត្រូវបានប្រទះឃើញនៅក្នុងបឹងមួយនៃខេត្រ Zhejiang ប្រទេសចិនកាលពីប៉ុន្មានថ្ងៃមុន។
មានការប្រទះឃើញអន្ទង់យក្សមួយនៅក្នុងបឹងមួយនៃស្រុក Changxing ក្រុង Huzhou ខេត្រ Zhejiang ប្រទេសចិន។ អន្ទង់យក្សមួយនេះមានពណ៌លឿងលាយត្នោត ដែលមានខ្លួនប្រវែង ១,៥ម៉ែត្រ ទម្ងន់ ១៨គីឡូក្រាម ដែលដំបូងឡើយ ប្រជាជនដែលចាប់បានគាត់គិតថា ជាត្រីធំមួយប៉ុន្តែក្រោយពេលយកមកពិនិត្យទើបដឹងថា ជាសត្វអន្ទង់។
ប្រជាជននៅក្នុងតំបន់ដែលបានឃើញអន្ទង់យក្សនេះ បាននិយាយថា សត្វមួយនេះប្រហែលជាមានអាយុកាលចូលរយឆ្នាំ បានជាវាមានទំហំធំ និងធ្ងន់យ៉ាងនេះ ហើយគេសឹងតែមិនជឿថាមានសត្វអន្ទង់ធំយ៉ាងនេះដែរ។
បុរសដែលចាប់បានអន្ទង់មួយនេះ បានិយាយថា មានគេចង់ទិញយកអន្ទង់មួយនេះ ដោយឲ្យក្នុងតម្លៃមួយខ្ពស់គួរសម ប៉ុន្តែគាត់មិនព្រមលក់នោះទេ ព្រោះគាត់យល់ថា អន្ទង់នេះអាចមានតម្លៃថ្លៃជាងការនោះទេទៀត៕
មតិយោបល់