កីឡាការិនីស្បែកខ្មៅ សញ្ជាតិអាមេរិកផ្នែកវាយកូនបាល់ នាង Serena Williams បានធ្វើការសរសើរចំពោះកីឡាការិនី Roberta Vinci បន្ទាប់ពីឈ្នះលើកីឡាការិនីសញ្ជាតិអ៊ីតាលីរូបនេះ ក្នុងលទ្ធផល 6-1 និង 6-3 ឈានចូលទៅកាន់វគ្គ 1/4 ក្នុងព្រឹត្តិការណ៍ French Open ។
សម្រាប់វគ្គ 1/4 Serena នឹងត្រូវជួបមុខកីឡាការិនីជើងខ្លាំងមួយរូបដែរ នាង Svetlana Kuznetsova ដែលជាកីឡាការិនីធ្លាប់កាន់តំណែងលេខ ១ និងឈានចូលវគ្គ ៤ នាក់ចុងក្រោយ នៃកម្មវិធី French Open នេះជាលើកដំបូង កាលពីឆ្នាំ ២០០៣។
ជាមួយនឹងលទ្ធផលឈ្នះកាលពីថ្ងៃ អាទិត្យម្សិលមិញនេះ ដែរ Serena និងបន្តដំណើរយកជ័យជម្នះនៅ Roland Garros នៅក្នុងឆ្នាំនេះ។តែទោះជាយ៉ាងណាក្នុងការប្រកួតនៅ French Open នេះនាងបានសរសើរចំពោះ Vinci ជាមួយនឹងទម្រង់លេងយ៉ាងឆ្លាតវៃ និងជឿជាក់លើការប្រកួត។ម្យ៉ាងវិញទៀតទម្រង់លេងរបស់នាង លេងយូរទៅ កាន់តែមានកម្រិតឡើងទៅៗ ។
សម្រាប់វគ្គ 1/4 ជួបជាមួយនឹង Kuznetsova កីឡាការិនីជឿជាក់ថា នឹងបំបាក់កីឡាការិនីសញ្ជាតិរុស្ស៊ី វ័យ ២៧ ឆ្នាំនេះផងដែរ។
Kuznetsova ជាកីឡាការិនីស្ថិតនៅលេខ រៀង ទី ៣៩ នៅក្នុងពិភពលោក បន្ទាប់ពីបញ្ចប់នៅឆ្នាំ ២០១២ ក្នុងលេខរៀង ៧២ តែកីឡាករិនីរូបនេះបានវិលត្រលប់មកវិញ ចង់ដណ្តើមតំណែង Serena ។
គួរបញ្ជាក់ផងដែរថា កីឡាការិនី Williams បានឈ្នះពានរង្វាន់កម្មវិធីខាងលើនេះ កាលពីឆ្នាំ ២០០២ ម្តងរួចមកហើយ៕
https://i1272.photobucket.com/albums/y389/domneng/3D/serena-williams-1024x798_zpsaceb38aa.jpg
មតិយោបល់