ទីភ្នាក់ងារទីអវកាសរបស់អាមេរិក Nasa បានប្រកាសប្រាប់កាលពីថ្ងៃច័ន្ទថាខ្លួនបានជ្រើសរើសបានអវកាសយានិក 8 នាក់ចេញពីបេក្ខជន 6000 នាក់រួចរាល់ហើយសម្រាប់ផែនការថ្មីក្នុងស្រាវជ្រាវនិងរុករកទីអវកាស។
បេក្ខជនទាំង 8 នាក់ដែលបានជ្រើសរើសស្ថិតនៅក្នុងអាយុខ្ទង់ពី 30 ឆ្នាំដែលត្រូវបានសម្រាំងចេញពីបេក្ខជនដែលដាក់ពាក្យមកណាសាតាំងតែពីកន្លះឆ្នាំមុន។ 4 នាក់ក្នុងចំណោមពួកគេជាអវកាសយានិកស្ត្រីដែលវាបានធ្វើឲ្យក្លាយជាចំនួនមួយដែលមិនធ្លាប់មាននៅក្នុងប្រវត្តិសាស្ត្រនៃកម្មវិធីរុករកទីអវកាសរបស់ណាសា។
អវកាសយានិកទាំង 4 នាក់ដែលរួមមាន Christina Hammock, 34 ឆ្នាំ Nicole Aunapu Mann, 35 ឆ្នាំ Anne McClain, 34 ឆ្នាំ Jessica Meir, 35 ឆ្នាំ ដែលពួកគេសុទ្ធតែមកពីប្រភពផ្សេងៗគ្នាប៉ុន្តែអវកាសយានិកបុរសទាំងបួននាក់វិញគឺសុទ្ធតែជាទាហានដែលរួមមាន Josh Cassada, 39 ឆ្នាំ Victor Glover, 37 ឆ្នាំ Tyler Hague, 37 ឆ្នាំនិង Andrew Morgan, 37 ឆ្នាំ៕
https://i1272.photobucket.com/albums/y389/domneng/af/Nasa_zpsa6872953.jpg
មតិយោបល់