ក្រុមហ៊ុន Samsung បានបញ្ចេញនូវ Ativ Book 9 Ultrabook ថ្មីមួយគួរដែលជាបដិវត្តិន៏នៃកុំព្យូទ័រយួរដៃ​Series 9 របស់ក្រុមហ៊ុន។

សម្រាប់ Ativ Book 9 Plus គឺជាកុំព្យូទ័រយួរដៃ​ប្រើប្រព័ន្ធដំណើរការ Windows និងវាត្រូវរួមបញ្ជូលនូវ សមត្ថភាព Hardware ដ៏អស្ចារ្យ និងអាចយកទៅតាមខ្លួនបាន ចំណែក Ativ Book 9 Lite វាស្រដៀង ទៅនឹងកុំព្យូទ័រដៃធម្មតាផងដែរ គឺសម្រាប់អ្នកមានថវិកាមធ្យម។

អ្វីដែលអស្ចារ្យសម្រាប់ Ativ Book 9 Plus ដំបូងគេ គឺការបង្ហាញរូបភាពលើសពី Full HD នោះគឺ QHD (Quad High Definition) ដែលទំហំ Resolustion រហូតដល់ 3200×1800 ភិចសែល គឺខ្ពស់ជាង Standard HD Retina Display របស់ MacBook Pro ដែលមានត្រឹម 2560×1600 ភិចសែលប៉ុណ្ណោះ។

គូរបញ្ជាក់ផងដែរថា Ativ Book 9 Plus ប្រើប្រាស់ Processor Core i5 និង Core i7 ជំនាន់ទី4 របស់ Intel មាន RAM 8GH និង SSD 256GB៕