សៀងហៃ៖ទីក្រុងសៀងហៃ បានរាយការណ៍មកថា មានអ្នកស្លាប់ដោយសារជំងឺគ្រុនផ្ដាសាយបក្សី N7H9 ផ្សេងទៀតបានស្លាប់ ដែលគិតមកដល់ពេលនេះ យ៉ាងហោចណាស់មានចំនួន ៤០នាក់បានស្លាប់។ នេះបើយោងតាមសម្ដីរបស់សមត្ថកិច្ចក្នុងតំបន់បាននិយាយ។
បុរសវ័យ ៥៦ឆ្នាំ ម្នាក់បានស្លាប់កាលពីថ្ងៃពុធ ម្សិលមិញនេះ ហើយនៅពេលនេះ ប្រពន្ធរបស់អ្នកស្លាប់កំពុងតែសម្រាកព្យាបាលនៅក្នុងមន្ទីរពេទ្យ។ មន្ត្រីរដ្ឋាភិបាលបាននិយាយថា គាត់ចួលសម្រាកព្យាបាលនៅក្នុងមន្ទីរពេទ្យតាំងពីខែមេសាមកម្ល៉េះ។
ក្រុមគ្រួសារ និងសាច់ញាតិរបស់ជនរង់គ្រោះបានជឿថា ជំងឺនេះ គឺអាចឆ្លងពីមនុស្សទៅកាន់មនុស្ស ប៉ុន្តែមន្ត្រីសុខាភិបាល និងអង្គការសុខភាពពិភពលោក បាននិយាយថា នៅមិនទាន់មានភស្តុតាងណាមួយបញ្ជាក់ថា ជំងឺផ្ដាសាយនេះ ឆ្លងពីមនុស្សទៅកាន់មនុស្សនោះទេ។
រដ្ឋាភិបាលចិន នឹងធ្វើសេចក្តីប្រកាសស្ថិតិស្ដីអំពីជំងឺនេះ នៅខែមិថុនា ឆ្នាំ ២០១៣ ខាងមុខ៕
ប្រភព៖ គេហទំព័រ Channel News Asia
មតិយោបល់