ប្រទេសឥណ្ឌាបានយកឈ្នះប្រទេសជប៉ុន ដោយបានក្លាយជាប្រទេសដែលមានទីផ្សារស្មាតហ្វូនធំលំដាប់ទី៣ នៅក្នុងពិភពលោក បន្ទាប់ពីសហរដ្ឋអាមេរិក និងចិន។
យោងតាមរបាយការណ៍ចុងក្រោយរបស់ក្រុមហ៊ុនវិភាគ Strategy Analytics បានឲ្យដឹងថា នេះជាលើកទី១ហើយ ដែលប្រទេសឥណ្ឌាបានឡើងមកកាន់លេខរៀងទី៣ នៃប្រទេសដែលមានទីផ្សារស្មាតហ្វូនធំជាងគេ។
ប្រភពដដែលបានបន្តទៀតថា នៅក្នុងប្រទេសឥណ្ឌា ស្មាតហ្វូនដែលលក់ដាច់ជាងគេគឺរបស់ក្រុមហ៊ុន Samsung, Apple និងក្រុមហ៊ុនក្នុងស្រុក Micromax។
Strategy Analytics បញ្ជាក់បន្ថែមទៀតថា ទីផ្សារស្មាតហ្វូននៅក្នុងប្រទេសឥណ្ឌាបានចាប់ផ្ដើមកើនឡើងតាំងពីត្រីមាសទី៤ឆ្នាំ ២០១២ ហើយកើនឡើងខ្លាំងនៅត្រីមាសទី១ឆ្នាំ ២០១៣ បើធៀបនឹងឆ្នាំ ២០១២ កើនឡើង ១៦៣ភាគរយ ហើយសិនជាប្រៀបធៀបទៅកាន់ទីផ្សារពិភពលោកកើនឡើង ៣៩ភាគរយ បើធៀននឹងចិនកើនឡើង ៨៦ភាគរយ បើធៀបនឹងជប៉ុនកើនឡើង ២៤ភាគរយ បើធៀបនឹងសហរដ្ឋអាមេរិកកើនឡើង ១៩ភាគរយ៕
មតិយោបល់