បើទោះបីជាកំពុងស្ថិតនៅក្នុងសម័យកាលអរ្យធម៌លូតលាស់ ប៉ុន្តែផ្នែកខ្លះនៃពិភពលោកនៅតែមានទំនៀមទំលាប់ប្រពៃណីមិនដាច់របស់ពួកគេ ដែលជារឿងគួរឲ្យភ័យខ្លាច និងញាប់ញ័រ។
ជាក់ស្តែងពិធីកាត់ស្បែកអង្គជាតិរបស់ក្មេងស្រី ដែលភាគច្រើនពិធីធ្វើឡើងនៅ ក្នុងប្រទេសអាហ្វ្រិក និងប្រទេសកាន់សាសនាមូស្លីម មួយចំនួន ដែលត្រូវបានគេជឿជាក់ថា ជាពិធីកាត់សន្ទះស្បែកដណ្តប់មុខយោនី របស់ក្មេងស្រី ត្រូវបានរក្សាភាពបរិសុទ្ធ បរិសុទ្ធមុនពេលរៀបការ។
ក្នុងករណីដែលក្មេងស្រីមិនធ្វើបែបនេះទេ មិនមែនជាកំណើតនៃការទទួលបានមរតកពីប្តីរបស់នាង ក៏ដូចជាអាចធ្វើឲ្យកើតហានិភ័យ និងជំងឺមហារីកមាត់ស្បូនជាដើម។
ការកាត់ស្បែកគ្របដណ្តប់មុខយោនី នេះ ពួកគេយល់ឃើញថា ដោយសារតែមានក្រពេញមួយដែលមានស្លេស ដែលអាចបង្ករក្លិន ឬកាកសំណល់មួយ និងជាអនាម័យដល់ប្រដាប់ភេទផងដែរ។ចំនួន ៩៥ ភាគរយនៃក្មេងស្រី ដែលត្រូវបានកាត់ស្បែកគ្របដណ្តប់មុខយោនីចេញ គឺនៅពេលដែលនាងមានអាយុ ៥ ឆ្នាំ និងប្រើពេលតែ ២ ទៅ ៣ នាទីតែប៉ុណ្ណោះដើម្បីកាត់ស្បែកនោះ និងហូរឈាមតិចតូចតែប៉ុណ្ណោះ។បន្ទាប់មកទៀត ទីដែលគេបានកាត់នោះ បានបិទផ្សារផ្ជិតនិងថ្នាំរបស់ពួកគេដើម្បីការពារមេរោគ។ទោះជាយ៉ាងនេះក្តី កាត់កាត់ស្បែកគ្របដណ្តបមុខយោនីនេះ វាអាចធ្វើឲ្យឈឺចាប់ ហូរឈាម ការឆ្លងមេរោគ និងអាចបង្ករឲ្យស្លាប់ប្រសិនបើមិនបានប្រើប្រាស់ក្បួនវេជ្ជសាស្ត្រនិងការអនុវត្តដោយគ្មានជំនាញគ្រប់គ្រាន់។
បើទោះបីជាមានការចុះអន្តាគមន៍ពីអង្គការពិភពលោកផ្នែកសុខភាព លើការហាមប្រាមកាត់ស្បែកដណ្តប់អង្គជាតិ ដោយគ្មានក្បួនត្រឹមត្រូវ ពីសំណាក់រាជរដ្ឋាភិបាលក្តី តែតំបន់ខ្លះ មិនបានអើពើលើការព្រមាននេះឡើយ។តាមរបាយការណ៍បានឲ្យដឹងថា ឥទ្ធិពលដោយជំនឿសាសនា និងជាទម្លាប់ ដែលនៅតែបន្តលើផ្នែកកាត់ស្បែកអង្គជាតិនេះ មានជាង ៣០ ប្រទេស នៅជុំវិញពិភពលោក ក្នុងនោះមាន មជ្ឈឹមបូព៌ា អាហ្វ្រិក ជាពិសេសនោះគឺ ប្រទេសសុម៉ាលី និងតំបន់ក្នុងប្រទេសអាស៊ីមួយចំនួន៕
https://i1272.photobucket.com/albums/y389/domneng/Decore/Afric_zpsc34b5024.jpg
មតិយោបល់