ល្បិចចោរមានគ្រប់រូបភាពទាំងអស់ មិនថាប្រើវិធីអ្វីនោះទេ ត្រូវតែធ្វើដើម្បីក្រពះថ្ងៃនេះ ។ជាក់ស្តែងវីដេអូឃ្លិបមួយដែលត្រូវបានគេបង្ហោះនៅលើ Youtube នៅពេលថ្មីៗនេះដែលចោរស្រីម្នាក់បានប្រើប្រាស់កូន ឬប្អូននោះ ឲ្យចូលទៅលួច iPad នៅក្នុងហាងមួយ ដែលហេតុការណ៍នេះបានកើតឡើងនៅក្នុងប្រទេសចិន ។
ក្មេងតូចដែលក្លាយជាចោរ ដោយសារតែការបញ្ជាពីម្តាយ ឬបងស្រីនោះ លួចបានសម្រេច ដោយយក iPad ដាក់ក្នុងខោរបស់ខ្លួន ដែលមើលទៅ ក្មេងស្រីរូបនេះមានបទពិសោធន៍ធ្វើជាចោររាប់ឆ្នាំហើយមើលទៅនោះ។តែទោះជាយ៉ាងណា មិនទាន់មានព័ត៌មានលំអិតណាមួយ ដែលថា សមត្ថកិច្ចក្នុងតំបន់ចាប់បានចោរស្រី ធំតូចនោះទេ។
សម្រាប់កម្ពុជាយើងវិញ ក៏ធ្លាប់មានរូបភាពស្រដៀងនេះដែរ ដោយក្រុមចោរមួយក្រុម មានគ្នា ២ ទៅ ៣ នាក់ដែលជាបុរសចូលទៅ ហាងកំព្យូទ័រ មួយកន្លែង និងយកបានកុំព្យូទ័របានសម្រេច ចាប់ដោយកាមេរ៉ាសុវត្តិភាព។ មួយវិញ ទៀតវីដេអូឃ្លិបដែលកើតឡើងនៅហាងលក់គ្រឿងកាឡៃមួយ ក្នុងផ្សារទំនើបក្បែរមាត់ទន្លេក្នុងក្រុងភ្នំពេញ ចោរស្រីម្នាក់បន្លំយកគ្រឿងកាឡៃនោះបានដោយសម្រេច។
បញ្ច្រាសមកវិញ សូមបងប្អូនដែលជាមាតា ឬមិតាគេនោះ កុំគប្បីប្រើក្មេងឲ្យលួច យ៉ាងនេះ គួរប្រកបជីវិតដោយស្វែងរកការងារធ្វើឲ្យត្រឹមត្រូវតាមច្បាប់ប្រទេសប្រសើរជាជាង៕
ទស្សនាវីដេអូឃ្លិបដូចខាងក្រោមនេះ៖
មតិយោបល់