ទីក្រុងមូស្គូ៖លោកប្រធានាធិបតីពូទីនបានថ្លែងកាលពីថ្ងៃច័ន្ទម្សិលមិញថាអតីតភា្នក់ងារដែលធ្វើការនៅក្នុងក្រុមចារកម្មពិសេសរបស់អាមេរិកលោក Edward Snowden នឹងចាកចេញពីរុស្ស៊ីប្រសិនបើលោកសម្រេចចិត្តទទួលយកប្រទេសណាមួយសម្រាប់ការជ្រកកោននិងគេចផុតពីការតាមចាប់របស់អាមេរិក។
លោកពូទីនបានលើកឡើងថាអតីតភ្នាក់ងារសម្ងាត់រូបនេះបានមកដល់ប្រទេសរូស្ស៊ីដោយមិនមានការអញ្ជើញអ្វីទាំងអស់គឹគ្រាន់តែមកក្នុងនាមជាភ្ញៀវទេសចរណ៍ធម្មតាដែលក្រោយមក Snowden ត្រូវបានអាមេរិកប្រកាសលប់ចោលលិខិតឆ្លងដែនជាជនជាតិអាមេរិកហើយបានធ្វើឲ្យរូបគាត់ត្រូវជាប់គាំងនៅទីនេះនិងកំពុងស្វែងរកប្រទេសផ្សេងៗសម្រាប់ជ្រកកោនផងដែរ។
មកទល់នឹងពេលនេះលោកមិនទាន់ត្រូវបានសម្រេចជ្រើសយកប្រទេសណាមួយនៅឡើយទេខណដែលអាមេរិកកំពុងធ្វើឲ្យប្រទេសផ្សេងទៀតមានការភ័យខ្លាចក្នុងការទទួលយកលោក Snowden ដើម្បផ្តល់សិទ្ធិជ្រកកោននោះ។
គួរបញ្ជាក់ផងដែរថាលោកពូទីនក៏បាននិយាយថាលោកមិនចង់ឲ្យទំនាក់ទំនងរវាងរូស្ស៊ីនិងអាមេរិកមានបញ្ហានោះទេហើយតែលោកក៏ព្យាយាមបើកសិទ្ធិតាមធម្មតាដល់លោក Snowden ក្នុងការស្នាក់នៅបណ្តោះអាសន្នតាមបែបសិទ្ធិមនុស្សដោយគ្មានការពាក់ព័ន្ធណាមួយជាមួយនឹងប្រទេសរុស្ស៊ីនោះទេ៕
https://i1272.photobucket.com/albums/y389/domneng/Decore/vladimir_putin_01_zps73453c66.jpg
លោក ពូទីន
https://i1272.photobucket.com/albums/y389/domneng/Decore/070990-nsa-whistleblower-edward-snowden_zps919b0d80.jpg
លោក Snowden
មតិយោបល់