ទីក្រុងយ៉ាង់ហ្គូន ( 01/08/13 ) : តាមប្រភពពីសារព័ត៌មាន Union បាននិយាយថាបារាំងជាអ្នកអនុញ្ញាតិឲ្យលុបចោលលើបំណុលដែលប្រទេសភូមាធ្លាប់បានធ្វើកម្ចីពីប្រទេសសហគមន៍អ៊ឺរ៉ុបដោយយោងទៅតាមកិច្ចប្រជុំមួយដែលខ្លួនបានធ្វើការពីខែមករាមកម្ល៉េះ។
ភាគីដែលបានចុះហត្ថលេខាទទួលយកលើសេចក្តីសម្រេចមួយនេះត្រូវបានចូលរួមដោយលោករដ្ឋមន្ត្រីក្រសួងហិរញ្ញវត្ថុភូមា Y Win Shein និងលោករដ្ឋមន្ត្រីក្រសួងកិច្ចការងារពាណិជ្ជកម្មបរទេសបារាំង Nicole Bricq កាលពីថ្ងៃពុធនៅក្នុងប្រទេសភូមា។ទឹកប្រាក់បំណុលសរុបដែលមានចំនួន 1,1 ពាន់លានដុល្លារត្រូវលុបចោល 550 លានដុល្លារនៅពេលដែលទឹកប្រាក់ដែលនៅសល់ 550 លានដុល្លារទៀតត្រូវបានកំណត់ពេលនៃការសងដល់ទៅ 15 ឆ្នាំជាមួយការប្រាក់ 2 ភាគរយ។ដោយបញ្ជាក់ថាទឹកប្រាក់បំណុលដែលបានលុបចោលនោះនឹងកា្លយជាកត្តាមួយដែលបានជួយសម្រួលក្នុងកិច្ចការធ្វើឲ្យមានលំនឹងនិងការអភិវឌ្ឍន៍បន្ថែមលើផ្នែកសេដ្ឋកិច្ចរបស់ប្រទេសភូមា។
ភាគីចុះហត្ថលេខីក៏បានពិភាក្សានិងពិគ្រោះយោបល់គ្នាទៅលើបញ្ហាថវិកានិងហិរញ្ញវត្ថុជាតិមីយ៉ាន់ម៉ា និងសហប្រតិបត្តិការសេដ្ឋកិច្ចផងដែរ។ប្រទេសមីយ៉ាន់ម៉ានិងប្រទេសជាសមាជិកក្លិបប៉ារីសដែលជាក្រុមឥណទានបានផ្តល់កម្ចីសរុបទៅឲ្យប្រទេសភូមាប្រមាណ 6 ពាន់លានដុល្លារតាំងពីខែមករាមកក្នុងកិច្ចសន្យាចំនួន 25 ៕
មតិយោបល់