​នៅ​មុន​នេះ​បន្តិច​មាន​សេចក្ដីរាយការណ៍​មក​ថា ក្រុមហ៊ុន Apple នឹង​ធ្វើ​ការបង្ហាញ iPhone ជំនាន់​ថ្មី និង iPad ជំនាន់​ថ្មី​នៅ​ដើម​ខែ​កញ្ញា ដោយឡែក​នៅ​ពេល​នេះ សារព័ត៌មាន AllThingsD បាន​ចុះផ្សាយ​ថា iPhone ជំនាន់​ថ្មី​នឹង​ត្រូវ​បង្ហាញ​នៅ​ថ្ងៃ​ទី​១០​ខែ​កញ្ញា​។​

​មាន​ប្រភព​ដែល​មិន​បង្ហាញ​អត្តសញ្ញាណ​បាន​បង្ហើប​ប្រាប់ AllThingsD ថា ក្រុមហ៊ុន Apple បាន​កំណត់​យក​ថ្ងៃ​ទី​១០​ខែ​កញ្ញា​ឆ្នាំ ២០១៣ ជា​ថ្ងៃ​បង្ហាញ iPhone ជំនាន់​ថ្មី ដែល​មានឈ្មោះ ថា iPhone 5S ប៉ុន្តែ​សម្រាប់ iPhone តម្លៃ​ទាប​នោះ មិន​ត្រូវ​បាន​បញ្ជាក់ឲ្យ​ដឹង​ឡើយ​។​
​គួរ​បញ្ជាក់​ផង​ដែរ​ថា ក្រុមហ៊ុន Apple បានធ្វើការ​ពន្យារ​ពេល​នៃ​ការបង្ហាញ iPhone និង iPad ជំនាន់​ថ្មី ហើយ​មក​ដល់​ពេល​នេះ​ក៏​នៅ​មិនទាន់​ប្រកាស​ឲ្យដឹង​ជា​ផ្លូវការ​នៃ​ការបង្ហាញ​វត្តមាន iPhone និង iPad ថ្មី​ផង​ដែរ​៕​
https://i1272.photobucket.com/albums/y389/domneng/Decore/Decore014/iphone-5s-june-2_zpse976d92c.jpg