ទីក្រុង Jerusalem ( 13/08/13 ) : អ្នកទោស 26 នាក់បានចាកចេញពីគុក Ayalon ស្ថិតនៅភាគកណ្តាលនៃប្រទេសអ៊ីស្រាអ៊ែលកាលពីថ្ងៃអង្គារម្សិលមិញនេះបើយោងតាមប្រភពព័ត៌មានពីអ្នកតំណាងម្នាក់មកពីគុកក្នុងប្រទេសអ៊ីស្រាអ៊ែល។
អ្នកទោស 26 នាក់ដែលត្រូវបានគេចោទប្រកាន់ពីបទធ្វើភេវរកម្មសម្លាប់ប្រជាជនអ៊ីស្រាអ៊ែលត្រូវបានដោះលែងឲ្យរួចទោសឡើងវិញហើយនឹងត្រូវបញ្ជូនទៅកាន់តំបន់ពីផ្សេងគ្នាគឺ Gaza Strip និងតំបន់ West Bank ។ការដោះលែងនេះត្រូវបានធ្វើឡើងក្រោយការប្រកាសថ្ងៃទី 28 កក្កដាក្នុងការដោះលែងអ្នកទោសសរុប 104 នាក់ហើយដែលនឹងត្រូវធ្វើឡើងជាអន្លើៗរហូតដល់គ្រប់ចំនួន។
គួរបញ្ជាក់ផងដែរថាអ៊ីស្រាអ៊ែលបានធ្លាប់និយាយហើយថាខ្លួនធ្វើការដោះលែងអ្នកទោសប៉ាលីស្ទីនលើកនេះគឺក្នុងគោលបំណងបន្តការពិភាក្សាសន្តិភាពជាមួយនឹងភាគីប៉ាលីស្ទីននៅពេលដែលការពិភាក្សាថ្មីចុងក្រោយមួយដែលបានធ្វើឡើងនៅក្នុងទីក្រុងវ៉ាស៊ិនតោនកាលពីថ្ងៃទី 30 កក្កដាហើយជំនួបលើកទីពីរនឹងត្រូវធ្វើឡើងនៅថ្ងៃពុធនេះហើយនៅក្នុងទីក្រុង Jerusalem វិញ៕
មតិយោបល់