ទីក្រុងប៉េកាំង ( 19/08/13 ) : ក្រុមសាសនាអ៊ីស្លាម Muslim Brotherhood ដែលត្រូវបានគេមើលឃើញថាកំពុងស្ថិតនៅក្នុងភាពមិនច្បាស់លាស់មួយក្រោយការកោះហៅឲ្យមានជំនួបទ្វេរភាគីមួយនៅថ្ងៃអាទិត្យជាមួយនឹងក្រុមដឹកនាំប្រទេសបច្ចុប្បន្នដែលមានកម្លាំងនិងអាវុធខ្លាំងជាងនោះ។
លោកប្រធានាធិបតីបណ្តោះអាសន្នបច្ចុប្បន្ន Hazem el-Beblawi ធ្លាប់បានស្នើរសុំឲ្យមានការរំលាយចោលនូវអង្គការសាសនាមួយនេះនៅពេលដែលលោកអនុប្រធានាធិបតី Ziad Bahaa el-Din នៅតែទទូចឲ្យមានការពិភាក្សានិងសម្រុះសម្រួលគ្នាវិញ។ក្រុមអ្នកវិភាគនយោបាយកំពុងតែពិភាក្សាវែកញែកគ្នាក្រោមប្រធានបទនៃស្ថានភាពរបស់ចលនាអ៊ីស្លាមដ៏ធំជាងគេនិងចុងក្រោយគេបង្អស់មួយនេះ។
អ្នកវិភាគជាច្រើនបានអះអាងថាក្រុមចលនាសាសនាអ៊ីស្លាម Mulsim Brotherhood និងមិនអាចមានឥទ្ធិពលតទៅទៀតទេនៅក្នុងឆាកនយោបាយរបស់ប្រទេសហើយវាត្រូវបានជ្រើសយកមកដាក់ក្នុងដំណោះស្រាយសម្រាប់វិបត្តិបច្ចុប្បន្នគឺដើម្បីឲ្យមានការប្រសើរឡើងវិញនូវការប្រឈមមុខគ្នារវាងអជ្ញាធរនិងប្រជាជនប៉ុណ្ណោះ។បើទោះបីជាយ៉ាងណាក្តីអ្នកវិភាគក៏បានបញ្ជាក់ផងដែរថាវាគ្រាន់តែជាការលើកឡើងនាពេលបច្ចុប្បន្នតែជីវិតនៅក្នុងឆាកនយោបាយរបស់ក្រុមនេះមិនឆាប់ពេកនោះទេ។
គួរបញ្ជាក់ផងដែរថាក្រុមសាសនាអ៊ីស្លាម Muslim Brotherhood ជាចលនាសាសនាធំជាងគេបង្អស់នៅពិភពអារ៉ាប់ហើយវាមានសាខានៅតាមប្រទេសជាង 50 រូមមានស៊ីរី ស៊ូដង់ ហ្សក់ដង់ និង ប៉ាលីស្ទីន ផង ហើយដែលមានទីតាំងធំជាងគេនៅក្នុងប្រទេសអេហ្ស៊ីប៕
មតិយោបល់