បន្ទាប់ពីលោក Steve Ballmer នាយកប្រតិបត្តិ Microsoft សម្រេចចិត្តចូលនិវត្តន៍នៅក្នុងរយៈពេល ១២ខែ ក៏កើតមាននូវមន្ទិលសង្ស័យជាច្រើនពាក់ព័ន្ធនឹងការចូលនិវត្តន៍។
កាលពីដើមសប្ដាហ៍នេះ ប្រភពព័ត៌មានមួយចំនួនបាននិយាយថា លោក Steve Ballmer សម្រេចចិត្តចូលនិវត្តន៍ក៏ព្រោះតែ ក្រុមហ៊ុន Microsoft បានខាតលុយ ៩០០លានដុល្លារអាមេរិក ជាមួយនឹង Surface RT ដែលនោះជាការបរាជ័យធំមួយក្រោមការដឹកនាំរបស់លោក Steve Ballmer។
នៅពេលនេះ មានព័ត៌មានផ្សេងទៀតបាននិយាយថា លោក Stephen Elop ដែលជានាយកប្រតិបត្តិក្រុមហ៊ុនផលិតទូរស័ព្ទដៃហ្វាំងឡង់ Nokia ត្រូវបានក្រុមហ៊ុន Microsoft ជ្រើសរើសជាបេក្ខភាពនាយកប្រតិបត្តិថ្មី។
ដំណឹងនេះពិតជាបានធ្វើឲ្យអតិថិជន និងមហាជនទាំងអស់មានការចាប់អារម្មណ៍យ៉ាងខ្លាំង ព្រោះថា លោក Stephen Elop ជាអតីតប្រធាននាយកដ្ឋានពាណិជ្ជកម្មរបស់ Microsoft ដែលបានលាឈប់កាលពីឆ្នាំ ២០១០ ដោយមកកាន់តំណែងជានាយកប្រតិបត្តិ Nokia៕
មតិយោបល់