ក្រុមហ៊ុន Nokia បានបង្ហាញទលក្ខណៈពិសេសនៃម៉ូដែល Nokia 515 ដែលត្រូវបានរចនា និងផលិតឡើងមានគុណភាពមិនចាញ់ទូរស័ព្ទ ឆ្លាតវៃ ជំនាន់ក្រោយប៉ុន្មាននោះឡើយ។
Nokia 515 ត្រូវបានរចនាឡើងជាមួយនឹងជាតិអាលុយមីញ៉ូម រួមទាំងងកញ្ចក់ដែលធន់នឹងកោសឆូតនៅពេលដែលមានការប៉ះទង្គិចផ្សេងៗ រីឯម៉ាស៊ីនមានកម្រាស់ 11 មីលីម៉ែត្រ។
ទូរស័ព្ទ Nokia 515 ជាម្ចាស់អេក្រង់ទំហំ 2,4 អ៊ីញ ភ្ជាប់ជាមួយកាមេរ៉ា 5 មេហ្គាភិចសែល នៅលើខ្នងមាន LED Flash រួមជាមួយនឹងមុខងារផ្សេងៗទៀត ដូចទៅនឹងកម្មវិធីដំបូងគេដែលមាននៅទូរស័ព្ទ Nokia 301 អញ្ចឹង។
បើយោងទៅតាមក្រុមហ៊ុន Nokia បានឲ្យដឹងថាទូរស័ព្ទថ្មីនេះមានជម្រើសពីរដែលអ្នកប្រើអាចធ្វើការជ្រើសរើសបាន គឺ Nokia ស៊ីមមួយ នឹង Nokia ស៊ីមពីរ។
ក្រុមហ៊ុន Nokia មិនបានដឹងច្បាស់ពីរយៈពេលប្រើប្រាស់របស់ថ្មនៅឡើយ ប៉ុន្តែតែគួរបញ្ជាក់ផងដែរថាគម្រោងការនៃការបង្កើតថ្មនេះគឺអាច Standby បានរហូតដល់ 38 ថ្ងៃ ឬក៏ 10.4 ម៉ោងនៃការនិយាយសម្រាប់ទូរស័ព្ទស៊ីមមួយ។
Nokia 515 ត្រូវបានគេរំពឹងទុកថាទូរស័ព្ទ នេះ នឹងចាប់ផ្តើមចរាចរណ៍នៅលើទីផ្សារក្នុងត្រីមាសទីបីក្នុងឆ្នាំនេះ ដែលចាប់ផ្តើមឡើងនៅលើប្រទេសរុស្ស៊ី អាល្លឺម៉ង់ ស្វីល និងប៉ូឡូញ ក្នុងតម្លៃ 149 ដុល្លារ៕
ព័ត៌មានជាតិ
មតិយោបល់