ទីក្រុង Helsinki(13/11/13) ៖យន្តហោះប្រតិកម្មពីរដែលប្រើប្រាស់សម្រាប់ការហ្វឹកហាត់បានជួបគ្រោះថ្នាក់ដោយហោះបុកគ្នាកាលពីថ្ងៃពុធម្សិលមិញនៅភាគខាងលិចនៃប្រទេសហ្វាងឡង់ហើយបានបណ្តាលឲ្យអ្នកបើកបរម្នាក់ស្លាប់និងម្នាក់ទៀតរងរបួសធ្ងន់។
អ្នកបើកបរម្នាក់ក្នុងចំណោមពីរនាក់ផ្សេងគ្នាត្រូវបានគេរកឃើញជាមួយនឹងកំទេចបែកបាក់នៃយន្តហោះហើយត្រូវបានបញ្ជូនទៅកាន់មន្ទីរពេទ្យភ្លាមៗ។លោករដ្ឋមន្ត្រីក្រសួងការពារជាតិរបស់ហ្វាងឡង់ Carl Haglund ក៏បានធ្វើដំណើរទៅកាន់កន្លែងកើតហេតុផងដែរ។យោងតាមប្រព័ន្ធផ្សព្វផ្សាយក្នុងស្រុកបានឲ្យដឹងថាការកើតហេតុគឺស្ថិតនៅក្នុងពេលដែលយន្តហោះទាំងពីរកំពុងហ្វឹកហាត់ហើយអ្នកបើកបរទាំងពីរនាក់បានព្យាយាមផ្តាច់ខ្លួនឯងចេញពីយន្តហោះមុនពេលដែលដឹងថានឹងបុកគ្នា។
យន្តហោះទាំងពីរត្រូវបាននាំចូលពីប្រទេសស្វីសដោយក្រុមហ៊ុន Patria របស់ប្រទេសហ្វាងឡង់ហើយយន្តហោះនេះត្រូវបានគេសង្ឃឹមថាបានប្រើប្រាស់យ៉ាងហោចណាស់ក៏ 6000 ម៉ោងដែរនៅពេលដែលការហោះហើរជាក់ស្តែងបានត្រឹមតែ 1000 ម៉ោងប៉ុណ្ណោះមុនពេលគ្រោះថ្នាក់។នៅមិនទាន់មានរបាយការណ៍ណាបញ្ជាក់ពីមូលហេតុពិតប្រាកដនៃគ្រោះថ្នាក់នោះទេនោពេលដែលអ្នកជំនាញកំពុងតែធ្វើការនៅឡើយ៕
មតិយោបល់