ភ្នំពេញ ៖ ព្រីង ច័ន្ទបុត្រ តារាសម្តែងមានរូបរាងស្រស់សង្ហារ ដែលសាងសុភមង្គលដ៏ជូរចត់រួមគ្នាអស់រយ:ពេល ជាង ៦ ខែ ជាមួយនឹងប្រព័ន្ធខ្លួននោះ ក៏បានចែកផ្លូវគ្នាដើរ ដោយសារតែបញ្ហាភាពមិនចុះសម្រុង រឿងទ្រព្យធន់។ ក្រោយការលែងលះពីអតីតប្រព័ន្ធដែលរៀបការតាមប្រពៃណីខ្មែរ នៅកោះពេជ្រ ថ្មីៗនេះដែរ ព្រីង ច័ន្ទបុត្រ ក៏បានបង្ហាញ ស្រីស្រស់ម្នាក់ដែលថតរួមគ្នា បង្ហោះលើគណនីបងណ្តាញសង្គមហ្វេសប៊ុក ដែលគេសង្ស័យថា ជាស្រីស្នេហ៍ថ្មី របស់តារាសម្តែង ព្រីង ច័ន្ទបុត្រ។
លើបណ្តាញទំនាក់ទំនងសង្គមហ្វេសប៊ុកនេះដែរ មិនលោះមួយថ្ងៃឡើយ ដែលតារាសម្តែងរូបនេះ ពោលពាក្យអញ្ជេះអញ្ជុះ ដែលសុទ្ធសឹងជាពាក្យពិបាកចិត្ត ក្រោយលែងលះប្រព័ន្ធ ដែលគេស្គាល់ថា ជាប្អូនថ្លៃ របស់ឯក ឧត្តម គន់ គឹម ។ជាមួយនឹងភាសាប្លែកៗ ខណ:ដែលព្រីង ច័ន្ទបុត្រ ធ្វើដំណើរកម្សាន្តទៅកាន់ ខេត្តសៀមរាប គេឃើញលើគណនីបណ្តាញសង្គមដែលលោកប្រើនោះ ថតកៀកកើយជាមួយនឹងស្រីស្រស់ម្នាក់ដែលគេមិនស្គាល់ប្រវត្តិ ដែលមើលទៅហាក់បីដូចជាគូស្នេហ៍ថ្មីថ្មោង ដែលទើបតែត្រូវរ៉ូវគ្នា ។ ទន្ទឹមគ្នានេះដែរ មិត្តភក្តិរបស់លោក និងអ្នកធ្លាប់គាំទ្រលោកបានធ្វើការ Comments ថា “បងនេះជាគូស្នេហ៍ថ្មីមែនទេ?” និងអ្នកខ្លះសួរថា “បងខ្ញុំឭថា បងលែងលះប្រព័ន្ធ តើពិតដែរទេបង?” ។ ក្រោយមកទៀត ក៏មានអ្នកសួរហែរហូរ លោកក៏បានធ្វើការ Comments តបវិញថា “បាទពិតមែន” ។
ទោះជារឿងលែងលះប្រពន្ធ បានរ៉ាយរ៉ាប់តាម ការធ្វើ Comments ពិតមែន តែរឿងដែលធ្វើឲ្យអ្នកគាំទ្រលោកចង់ដឹងនោះ គឺស្រីស្រស់សិចស៊ី សាច់សខ្ចីដូចត្រកួនឈ្លក់ទឹកខែ វស្សារូបនោះ ត្រូវជាអ្វីនឹងលោក ឬជាសង្សារ ដែលទើបនឹងរកបាន ដើម្បីលុបដានស្នេហ៍ចាស់ដ៏ឈឺចាប់ចោល ?
ជុំវិញព័ត៌មានស្រីស្នេហ៍ថ្មីនេះដែរ យើងសង្ឈឹមថា នៅថ្ងៃណាមួយ លោក ព្រីង ច័ន្ទបុត្រ នឹងធ្វើការបកស្រាយ ឲ្យជ្រះមន្ទីលពីរឿងនេះទៅចុះ ហើយ គេហទំព័រ ដំណឹង នឹងស្វាគមន៍ ជានិច្ច ចំពោះការចេញមុខបកស្រាយលើ រឿងស្រីស្នេហ៍ថ្មី បង្ហោះលើហ្វេសប៊ុកនោះ៕
//i1272.photobucket.com/albums/y389/domneng/Decore/Decore156/PringChnaboth1_zps020257f1.jpg
//i1272.photobucket.com/albums/y389/domneng/Decore/Decore156/PringChnaboth2_zpsd2d71019.jpg
//i1272.photobucket.com/albums/y389/domneng/Decore/Decore156/PringChnaboth3_zps9a64dc20.jpg
មតិយោបល់