វេជ្ជបណ្ឌិត និងអ្នកវិទ្យាសាស្ត្រ បានប្រាប់ឱ្យដឹងជាយូរមកហើយក្នុងការទទួលទានបន្លែផ្លែឈើជាប្រចាំ អាចជួយឲ្យយើងមានសុខភាពល្អ និងអាចទប់ទល់នឹងការកើតនូវជំងឺផ្សេងៗបាន។
ប៉ុន្តែទោះជាយ៉ាងណាក៏ដោយការបរិភាគផ្លែឈើទាំងប៉ុន្មានប្រភេទនេះ មានភាពប្រសើរជាងផ្លែឈើដ៏ទៃទៀត។ បើតាមការស្រាវជ្រាវនៅចក្រភពអង់គ្លេស សហរដ្ឋអាមេរិក និងប្រទេសសិង្ហបុរី បានឲ្យដឹងថា ផ្លែប្លូប៊ឺរី ផ្លែទំពាំងបាយជូ និងផ្លែប៉ោមអាចជួយកាត់បន្ថយហានិភ័យ ជំងឺទឹកនោមផ្អែមដល់ទៅ ២៣ % ។
ការថយចុះនៃហានិភ័យជំងឺទឹកនោមផ្អែមនេះត្រូវបានកត់ត្រាទុកក្នុងករណីនៃមនុស្សជាច្រើន ដែលបានបរិភាគផ្លែឈើយ៉ាងជាប្រចាំហោចណាស់ពីរផ្លែក្នុងមួយសប្តាហ៍ នេះបើតាមរបាយការណ៍ដែលបានបញ្ជាក់។
ផ្លែឈើផ្សេងទៀតដូចជា ផ្លែប៉ែស ផ្លែព្រូន ចេកនិង សណ្តែកបាយ ត្រូវបានរកឃើញផងដែរថាមានហានិភ័យជំងឺទឹកនោមផ្អែមទាប។ ទោះបីជាយ៉ាងនេះក៏ដោយ ក៏គ្មានមធ្យោបាយដែលមានប្រសិទ្ធិភាពជាង ប្លូប៊ីរី ទំពាំងបាយជូ និងផ្លែប៉ោមដែរ៕
មតិយោបល់