កូរ៉េខាងជើងបានលុបចោលលិខិតអញ្ជើញទស្សនកិច្ចរបស់លោក King Robert ប្រេសិតពិសេសតំណាងឲ្យសហរដ្ឋអាមេរិកកាលពីថ្ងៃសុក្រនេះក្រោយការបញ្ជាក់ពីគោលបំណងនៃការព្យាយាមស្វែងរកការដោះលែងអ្នកទោសសញ្ជាតិអាមេរិកម្នាក់ដែលកំពុងជាប់ឃុំខ្លួននៅកូរ៉េខាងជើងនោះ។
តាមប្រភពព័ត៌មានបានឲ្យដឹងថាដំណើរទស្សនកិច្ចរបស់លោកទៅកាន់ប្រទេសកូរ៉េខាងជើងគឺស្ថិតនៅក្នុងគោលបំណងបញ្ហាសិទ្ធិមនុស្សហើយសង្ឃឹមថាខ្លួននឹងអាចពិភាក្សាជាមួយនឹងកូរ៉េខាងជើងក្នុងការសុំឲ្យដោះលែងបុរសជនជាតិកូរ៉េសញ្ជាតិអាមេរិកមា្នក់ត្រូវបានដោះលែង។
គួរបញ្ជាក់ថាបុរសសញ្ជាតិអាមេរិកដែលត្រូវបានកូរ៉េដាក់ទោសឲ្យជាប់គុក 15 ឆ្នាំនោះមានអាយុ 44 ឆ្នាំមានឈ្មោះ Kenneth Bae ត្រូវបានជាប់ខ្លួននៅកូរ៉េតាំងពីខែវិច្ឆិកាហើយលោកត្រូវបានដាក់ទោសឲ្យធ្វើការធ្ងន់ធ្ងរទៀតផង៕
លោក Kenneth Bae
មតិយោបល់