ក្លិប Tottenham និង Real Madrid បានបញ្ជាក់ថាពួកគេបានបញ្ចប់ការទិញដូរ និងផ្ទេរកីឡាករ Gareth Bale ទៅកាន់ប្រទេសអេស្ប៉ាញ ។
ក្លិប Madrid បាននិយាយថា ខ្សែបម្រើសញ្ជាតិវែល រូបនេះ បានចុះកុងត្រា ៦ ឆ្នាំ និងពិនិត្យសុខភាពរួចរាល់ហើយ ។ចំណែកតម្លៃខ្លួនវិញ គឺ ១០០ លានអឺរ៉ូ ( ៨៥.៣ លានផោន ) ។នេះបើតាមសារព័ត៌មាន Skype Sport ចុះកាលពីថ្ងៃទី ១ ខែ សីហា ម្សិលមិញ។
កីឡាករវ័យ ២៤ ឆ្នាំ សញ្ជាតិវែល នៅថ្ងៃចន្ទ នេះដែរ និងត្រូវឈរបង្ហាញខ្លួន ជូន អ្នកគាំទ្រ ៨ ម៉ឺននាក់ នៅពហុកីឡដ្ឋាន Bernabeu ។
កីឡាករ Bale បានធ្វើសេចក្តីថ្លែងការណ៍ថា “រយៈពេល ៦ ឆ្នាំទៅហើយ ដែលខ្ញុំសប្បាយរីករាយជាមួយនឹងក្លិប មាន់ខ្នាយមាស ហើយពេលនេះដែរ វាសមល្មមនឹងខ្ញុំត្រូវនិយាយពាក្យថា លាហើយ”។ម្យ៉ាងវិញទៀតយើងមានពេលវេលា ពិសេសជាច្រើន ជារៀងរាល់ឆ្នាំ និង ស្រលាញ់រាល់វិនាទី។ កីឡាកររូបនេះបានបន្តថា ខ្ញុំអរគុណអ្នកទាំងអស់គ្នា ទាំងថ្នាក់ដឹកនាំ និងមិត្តរួមក្រុម ជាពិសេសនោះគឺអ្នកគាំទ្រ ហើយសង្ឈឹមថា អ្នកនឹងយល់ជាមួយនឹង ឱកាសអាជីពដ៏អស្ចារ្យនេះ។ ដោយឡែក ខ្ញុំក៏មិនសង្ឈឹមថា នៅទីនោះ វាល្អគ្រប់ពេលនោះដែរ ក្នុងការចាកចេញពីក្លិបមាន់ខ្នាយមាស តែសង្ឈឹមថា នឹងក្លាយជាអ្នកលេងដ៏ល្អ នៅក្នុងអាជីពនៅទីនោះ។
សម្រាប់កីឡាករ Bale ត្រូវបានគេដឹងថា ខណៈដែលធ្វើកុងត្រាជាមួយនឹង មាន់ខ្នាយមាសដំបូង ក្នុងទំហំកញ្ចប់ថវិការ ១០ លានផោន ខណៈដែលមកពី Southampton កាលពីឆ្នាំ ២០០៧ ។
បញ្ជាក់ផងដែរថា ក្លិបមាន់ខ្នាយមាស កាលពីរាត្រីយប់មិញនេះ ចាញ់កាំភ្លើងធំ ក្នុងលទ្ធផល 1-0 នៅក្រៅទឹកដី៕
មតិយោបល់