សម្លាញ់ទាំងអស់គ្នាកំពុងតែមានបញ្ហានៅក្នុងជំនាញក្នុងការលេងហ្វេសប៊ុក ឬ អត់?ធ្លាប់អានសៀវភៅឬតាមដានវិធីក្នុងការនិយាយពាក្យពេចន៍ដែលនឹងអាចធ្វើឲ្យស្រីចាប់អារម្មណ៍ឬទេ?បើសិនជាមនុស្សស្រីម្នាក់ដែសម្លាញ់ចាប់អារម្មណ៍ហើយនាងថែមទាំង Accept Friend Request អ្នកទៀតនោះហើយមិនដឹងជាចាប់ផ្តើមសុំលេខទូរស័ព្ទឬណាត់ជួបនាងតាមវិធីណានោះ !! ខាងក្រោមជាវិធីសាស្ត្រមួយចំនួនដែលសម្លាញ់អាចសាកល្បងចាប់ផ្តើមទាំងអស់គ្នាហាហា !!!
- ធម្មតានារី ឬ ក៏ដោយបុរសក៏ដោយនៅពេលដែលបានមិត្តថ្មីនៅក្នុងហ្វេសប៊ុកហើយមិនដែលបានជួបគ្នា ឬ ស្គាល់គ្នាពីមុននោះមុនដំបូងគេនឹងចាប់ផ្តើមមើលលើ Profile Pictur របស់អ្នក។នេះជាឱកាសក្នុងការចាប់ផ្តើមចំពោះបុរសយើងក្នុងការជ្រើសរើសរូបភាពណាដែលបញ្ជាក់ពីអារម្មណ៍ដែលគោរពដល់ស្ត្រីរឺឲ្យតម្លៃដល់ស្ត្រីយ៉ាងហោចណាស់ក៏ក្នុងន័យនេះដែរ។
បុរសៗកុំមើលងាយ Wall Pictureឲ្យសោះ ពីព្រោះថាផ្ទាំងមួយនេះធំបំផុតដែលអាចឲ្យយើងដាក់រូបជាច្រើនក្នុងការបញ្ជាក់ពីអារម្មណ៍នឹងអត្តចរិករបស់យើង។ព្យាយាមប្រើប្រាស់រូបភាពណាដែលបញ្ជាក់ពីភាពវិជ្ជមានខ្លួនឯងក្នុងការចូលរួមសង្គមមិត្តភ័ក្តគ្រួសារនិងការងារជាជាងការប្រើប្រាស់រូបភាពដែលបញ្ជាក់ពីការចូលចិត្តហ្គេមរឿងនិងជាពិសេសរូបភាពដែលទាក់ទងនឹងការផឹកស៊ីនិងបាល់ទាត់ព្រោះថានាងអាចយល់ថាមនុស្សប្រុសបែបនេះជាមនុស្សប្រុសប្រើប្រាស់ពេលវេលាងប់នឹងរបស់ទាំងនោះជាជាងមិត្តស្រីរបស់ខ្លួន។
ការប្រើប្រាស់ Like, Comment និង Chat ដោយពាក្យពេចន៍ដែលបានរៀបចំរួចជាស្រេច : ច្បាស់ហើយថានៅក្រោយការចាប់អារម្មណ៍ពីរូបភាពរបស់អ្នកនារីនឹងអាចចាប់ផ្តើមគិតវាយតម្លៃវិជ្ជមានមកលើរូបអ្នកយ៉ាងហោចណាស់ក៏ 40 ទៅ 50 ភាគរយបាត់ហើយ។កិច្ចការបន្ទាប់ដែលត្រូវធ្វើគឹការប្រើប្រាស់ Like និង Comment ឲ្យបានសមស្រប។ក្នុងន័យនេះមនុស្សប្រុសគួរតែ Like និង Comment ឲ្យមានមូលហេតុជាសុភាពបុរសមិនមែនរូបភាពណានាង Post ក៏ត្រូវតែ Like និង Comment ឲ្យបានគ្រប់នោះទេ។បើសិនជាធ្វើបែបនេះនឹងក្លាយទៅជារឿងសុំាតាប៉ែទៅវិញហើយនាងនឹងគិតថាខ្លួនជាមនុស្សប្រុសគួរឲ្យធុញ។បន្ទាប់ពីអ្នកបានប្រើប្រាស់ Comment និង Like យ៉ាងត្រឹមត្រូវហើយជឿជាក់នាងប្រាកដជាចាប់អារម្មណ៍នឹងអ្វីដែលយើងមានហើយដូចជា Profile Picture, Wall Picture និងការពាក្យពេចន៍ដ៏មានន័យតែតាមការពិតជាការរៀបចំទុកជាមុនស្រេច។នៅក្នុងមួយរយៈក្រោយនៅពេលដែលឱកាសហុចមកឲ្យ បើទៅសូម្បីតែនាងចុច Like,Comment តបឬក៏យ៉ាងហោចនាងបាន Chat តែពាក្យ Hi តែមួយម៉ាត់នោះទាំងអស់គ្នាដឹងហើយថានេះជាឱកាសដែលមិនអាចរំលងបាននោះទេ។ការដែលយើងឧស្សាហ៍ចូលមើល Statue និងរាល់ Posting ឬ Comment របស់នាងជាកត្តានាំឲ្យមានជោគជ័យនៅពេលដែលយើងមានឱកាស Chat ជាមួយនាងបានស៊ីជម្រៅនិងស្និទ្ធស្នាល។
គួរបញ្ជាក់ផងដែរលទ្ធផលយ៉ាងណានោះគឺស្ថិតនៅលើការចាប់ផ្តើមរបស់យើងបានល្អកម្រិតណាហើយចំណុចបន្ទាប់គឺថាអ្នកបានស្វែងយល់ពីនាងបានកម្រិតណាផងដែរតាមរយការតាមដានមើល Profile របស់នាងឲ្យបានញឹកញយមុនការចាប់ផ្តើមលេង Chat ជាមួយនាង។យ៉ាងណាយ៉ាងណីនោះខ្ញុំដំណឹងក៏ទើបតែចាប់ផ្តើមដែរចាំមើលលទ្ធផលទាំងអស់គ្នាទៅ !!! ៕
មតិយោបល់