សិង្ហបុរី ( 09/09/13 ) : រដ្ឋាភិបាលប្រទេសសិង្ហបុរីបាននិយាយកាលពីពេលថ្មីៗនេះថាខ្លួននឹងខិតខំធ្វើសហប្រតិបត្តិការបន្ថែមលើថវិការចំណាយសម្រាប់ផ្នែកសុខមាលភាពប៉ុន្តែខ្លួនបានបញ្ជាក់ថាសម្រាប់ប្រជាពលរដ្ឋដែលមានស្ថានភាពរស់នៅសមល្មមហើយនោះគឺមិនអាចទទួលនូវការផ្លាស់ប្តូរថ្មីលើគម្រោងលើកនេះទេ។
លោក Chan Chun Sing រដ្ឋមន្ត្រីក្រសួងអភិវឌ្ឍន៍គ្រួសារនិងសង្គមបាននិយាយថាប្រទេសសិង្ហបុរីមិនអាចបន្ថែមថវិការចំណាយទៅលើសេវាសុខភាពទាំងអស់នោះទេគឺផែនការតម្រូវឲ្យមានតែការប្រែប្រួលសម្រាប់ប្រជាជនដែលមានសេដ្ឋកិច្ចគ្រួសារទាបហើយពួកយើងចង់ឲ្យពួកគេមានភាពងាយស្រួលក្នុងការប្រកបជីវភាពរស់នៅ។សម្រាប់អ្នកដែលមានជីវភាពសេដ្ឋកិច្ចមធ្យមនោះអាចនឹងស្វែងរកសេវាសុខភាពងាយស្រួលនិងតម្លៃសមរម្យមួយដែលរដ្ឋាភិបាលធ្លាប់បានពិចារណទៅលើបញ្ហានេះរួចហើយ។
លោកនាយករដ្ឋមន្ត្រី Lee Hien Loong ធ្លាប់បានមានប្រសាសកាលពីខែមុនហើយថារដ្ឋាភិបាលនិងខិតខំប្រឹងប្រែងជាអ្នកដើរតួយ៉ាងសំខាន់ធ្វើយ៉ាងណាធ្វើឲ្យបានក្នុងការកសាងសង្គមមួយដែលមានតុល្យភាពសង្គមទៅលើវិស័យសេដ្ឋកិច្ចនិងវិស័យសេវាសាធារណៈជាច្រើនផ្សេងទៀត៕
មតិយោបល់