ទីក្រុងមូស្គូ ( 09/09/13 ) : នៅក្នុងកិច្ចជំនួបពិភក្សាទ្វេរភាគីមួយរវាងលោករដ្ឋមន្ត្រីក្រសួងការបរទេសរុស្ស៊ីលោក Serger Lavrov ជាមួយលោកតំណាងឲ្យស៊ីរី Walid al-Moualem នៅឯទីក្រុងមូស្គូកាលពីថ្ងៃចន្ទម្សិលមិញនេះ លោក Lavrov បាននិយាយជាច្រើនបកស្រាយពីបញ្ហានៅស៊ីរីនិងការប្រឈមមុខនឹងការវាយប្រហារពីអាមេរិក។
លោកបាននិយាយបន្ថែមទៀតថាការដែលអាមេរិកព្យាយាមស្វែងរកជំនួយក្នុងការវាយប្រហារស៊ីរីនោះគឺអាចនឹងនាំឲ្យភេវរកម្មនៅតំបន់មជ្ឈឹមបូព៌ាមានសន្ទុះខ្លាំងក្លាជាងធម្មតានៅពេលដែលលោកក៏បានបកស្រាយផងដែរថាប្រទេសរុស្ស៊ីមានភស្តុតាងយ៉ាងច្រើនដែលបញ្ជាក់ថាកម្លាំងរបស់រដ្ឋាភិបាលមិនមែនជាអ្នកនៅពីក្រោយការប្រើប្រាស់អាវុធគីមីនោះទេ។ពួកយើងមានសាក្សីជាច្រើនដែលបានឃើញផ្ទាល់ភ្នែកហើយវិដេអូមួយចំនួនដែលក្រុមកម្លាំងទ័ពប្រឆាំងស៊ីរីបានថតខ្លួនឯងផង។
លោកបានបញ្ជាក់ពីជំហររបស់ខ្លួនក្នុងការគោរពច្បាប់អន្តរជាតិហើយស្នើរសុំឲ្យមានការយល់ព្រមគ្នាឲ្យបានច្បាស់លាស់សិនមុននឹងប្រើប្រាស់យុទ្ធនាការណាមួយនៅពេលដែលការស៊ើបអង្កេតគួរតែបានប្រើប្រាស់ឲ្យមានការម៉ត់ចត់ជាងនេះទៅលើគ្រប់រូបភាពនិងរបាយការណ៍ទាំងអស់ដែលពាក់ព័ន្ធដើម្បីស្វែងរកឲ្យឃើញពីការពិត៕
មតិយោបល់