អាជ្ញាធរកាតេម៉ាឡាបានបញ្ជាក់កាលពីថ្ងៃច័ន្ទម្សិលមិញថាចំនួនមនុស្សស្លាប់ដែលមាននៅក្នុងគ្រោះថ្នាក់រថយន្តក្រុងនៅត្រង់ភាគកណ្តាលនៃប្រទេសនេះបានកើនឡើងដល់43 នាក់នៅខណៈដែល 40 នាក់ទៀតរងរបួស។
គ្រោះថ្នាក់នេះកើតឡើងនៅត្រង់តំបន់ San Martin Jilotepeque ចម្ងាយប្រមាណ 64 គីឡូម៉ែតពីទីក្រុងកាតេម៉ាឡាដោយរថយន្តក្រុងបានបើកធ្លាក់ទៅក្នុងជ្រលងដែលមានជម្រៅ 75 ម៉ែត្រមុនពេលដែលវាធ្លាក់បន្តទៅក្នុងទន្លេ។អាជ្ញាធរបាននិយាយថាភ្លាមៗអ្នកស្លាប់សរុបមាន 40 នាក់និងក្រោយមកបីនាក់ទៀតបានស្លាប់ពេលបញ្ជូនមកដល់មន្ទីរពេទ្យ។
រថយន្តក្រុងដែលបន្ទាប់ត្រូវបានគេរកឃើញត្រូវបានខូចខាតទាំងស្រុងហើយត្រូវបានគេជឿជាក់ថាបានផ្ទុកអ្នកដំណើរដល់ទៅ 90 នាក់នៅខណៈដែលស្តង់ដាកៅអីរថយន្តអាចប្រើប្រាស់បានសម្រាប់តែអ្នកដំណើរច្រើនបំផុតតែ 60 នាក់។នៅតែមិនទាន់មានការបញ្ជាក់ណាច្បាស់លាស់ពីមូលហេតុនៅឡើយបើទោះបីជាការសន្មតតំបូងដែលអាចបណ្តាលមកពីប្រព័ន្ធហ្វ្រាំងនិងល្បឿនផង៕
មតិយោបល់