ខេត្តកំពត៖ មានគេលួចទំលាយថា ល្បែងតាយ ស៊ីវ គ្មានច្បាប់ទំលាប់មួយកន្លែងកំពុងបើកលេងយ៉ាងក្រអើតដោយជ្រកក្រោមផ្លាកយីហោ កាសីណូដឺវីមាណដែលមានទីតាំងក្នុងច្រកទ្វារអន្តរជាតិព្រែកចាក ស្ថិតក្នុងភូមិថ្កូវ ឃុំឫស្សីស្រុកខាងលិច ស្រុកកំពុងត្រាច ខេត្តកំពត ហើយល្បែងតាយ ស៊ីវខុសច្បាប់ខាងលើបានលួចបើកលេងរាប់ខែមកហើយ ថែមទាំងភ្នាល់ស៊ីសងធំៗ ដោយមានថៅកែជាជនជាតិវៀតណាម។
ចំពោះការបើកលេងល្បែង តាយ ស៊ីវ ក្នុងបរិវេណកាស៊ីណូដឺវីមាណដោយចំហបែបនេះ គេមិនដឹងថា មេស៊ីសងជនជាតិវៀតណាមខាងលើរត់ការត្រឹមថ្នាក់ណានោះទេ ទើបហ៊ានបើកស្វាគមន៍ភ្ញៀវសឹងតែ២៤ម៉ោងបែបនេះឡើយ។ម្យ៉ាងទៀតល្បែងតាយ ស៊ី ខាងលើបើកចាក់ភ្នាល់១ដៃៗរាប់ពាន់ដុល្លា ថែមទាំងមានមនុស្សចោមរោមចាក់ស៊ីសងដូចគេមើលប៉ាហ៊ីប៉ុន្តែបែរជាគ្មានអាជ្ញាធរឬសមត្ថកិច្ចជំនាញណាម្នាក់ទៅស្រៀសសៃម្តងសោះ។ប្រភពដ៏ជឿជាក់ខាងលើបានបង្ហើបទៀតថា ការបើកល្បែងតាយ ស៊ីវ ក្នុងបរិវេណកាស៊ីណូ ដឺវីមាណ បានដោយរលូនបែបនេះ ដោយសារថៅកែជនជាតិវៀតណាមរូបនោះ សំអាងលើច្បាប់របស់កាស៊ីណូដំរីមាណតែប៉ុណ្ណោះទើបឆ្លៀតឱកាសមកសំងំបើកលេងស៊ីសងក្បែរៗនោះតែម្តង ព្រោះគេគិតថា ការបើកបនល្បែងក្នុងបរិវេណកាស៊ីណូពិតជាមានសុវត្ថិភាព គឺគ្មានអាជ្ញាធរឬសមត្ថកិច្ចជំនាញណាមួយមករំខានឡើយ ពិសេសជាងនេះទៅទៀត គ្មានខ្ទង់ចំណាយដូចម្ចាស់កាស៊ីណូនោះឡើយ ដោយគ្រាន់តែចំណាយបន្តិចបន្តួចជូនដល់អ្នកកាងមួយក្តាប់តូចប៉ុណ្ណោះ។ប្រភពបានបញ្ជាក់ថា ល្បែងតាយ ស៊ីវ ដែលកំពុងបើកលេង ដោយជ្រកក្រោមដំបូលកាស៊ីណូ ដឺវីមាណ នោះ ហាក់មានភាពក្រអើតគឺមិនខ្លាចច្បាប់ថែមទាំងគ្មានញញើតអាជ្ញាធរនិងសមត្ថកិច្ចតំបន់បន្តិចឡើយ កុំថាឡើយប៉ូលិស ប៉េអឹម សូម្បីស្ថាប័នជំនាញផ្សេងៗក៏ថៅកែល្បែងតាយ ស៊ីវ ម្នាក់នេះមិនព្រឺផង ហើយប្រសិនមានគេសួនាំមេតាយ ស៊ីវ វៀតណាមនោះ បែរជាប្រាប់ថា ជារបស់កាស៊ីណូដឺវីមាណដែលមានច្បាប់ទម្លាប់ត្រឹមត្រូវ តែធាតុពិតលួចមកជ្រកក្រោមផ្លាកយីហោគេសោះ។
ដូច្នេះបើអាជ្ញាមានសមត្ថកិច្ចឬស្ថាប័នពាក់ព័ន្ធបានជ្រាបដូចសេចក្តីរាយការណ៍ ខាងលើនេះ សូមចុះមកត្រួតពិនិត្យឬបង្ក្រាបល្បៃង តាយ ស៊ីវខុសច្បាប់ដែលកំពុងជ្រកកោនក្នុងបរិវេណកាស៊ីណូដឺវីមាណ នេះផងបើទុកយូរប្រយ័ត្នមានបញ្ហាកាន់តែធំ ព្រោះកន្លងមកមានគេលួចខ្សឹបថា មេបើកបនល្បែងនេះសុទ្ធតែលេងដោយប្រើល្បិចកល ស៊ីលុយស្រស់ៗមិនត្រឹមតែស៊ីលុយដុងឬប្រាក់ដុល្លានោះទេ សូម្បីប្រាក់រៀលក៏ស៊ីគ្មានប្រណីដែរ៕
មតិយោបល់