យោងតាមគេហទំព័រសារព័ត៌មាន MSN បានឲ្យដឹងថា កាលពីដើមខែកញ្ញានេះ មាន គ្រួសារមួយដែលរស់នៅក្នងរដ្ឋ Florida បានចំណាយពេលយ៉ាងយូរដើម្បីតាមប្រមាញកំណប់ប្រវត្តិសាស្ត្រមួយ ដែលតាមការបាន់ប្រមាណមានតម្លៃ ៣០ម៉ឺនដុល្លារអាមេរិក នៅក្នុងមហាសមុទ្រ Atlantic។
Brent Brishen មកពីក្រុមហ៊ុន 1715 Fleet-Queens Jewels LLC បានឲ្យដឹងថា Rick និង Lisa Schmitt ព្រមទាំងកូនៗរបស់គេទាំងពីរនាក់ Hillary និង Eric បានរកឃើញបន្ដោងមាស និងកាសមាសជាច្រើនប្រអប់មួយ Atlantic។ ទ្រព្យសម្បត្តិទាំងនេះគឺបានមកពីការលិចនាវាចំនួនប្រមាន ១១គ្រឿង ដោយខ្យល់ព្យុះ ដែលធ្វើដំណើរចេញពី Florida ទៅកាន់ប្រទេស ប្រទេសអេស្ប៉ាញ។ ទ្រព្យសម្បត្តិសរុបដែលបានលិចជាមួយនាវាទាំងអស់នោះមានតម្លៃប្រមាណជាង ៤០០លានដុល្លារអាមេរិក។
កន្លងមក ទ្រព្យសម្បតិ្តទាំងនោះត្រូវបានរកឃើញមកវិញ ដែលគិតជាទឹកប្រាក់ចំនួន ១៧៥លានដុល្លារអាមេរិក ហើយបច្ចុប្បន្នកំពុងតែរុករកបន្តទៀតនៅពេលបច្ចុប្បន្ននេះ។
នៅក្រោមច្បាប់របស់សហរដ្ឋអាមេរិកនិងរដ្ឋ Florida កំណប់នឹងត្រូវបានដាក់ចូលទៅក្នុងឃាំងនៃតុលាការសហរដ្ឋអាមេរិកខាងត្បូងរដ្ឋ Florida នៅក្នុងស្រុកនេះ។ រដ្ឋ Florida នឹងត្រូវបានអនុញ្ញាតឲ្យយកកម្មសិទ្ធិរហូតដល់ទៅ២០ភាគរយ នៃការស្វែងរកការសម្រាប់ការបង្ហាញនៅក្នុងសារមន្ទីររបស់រដ្ឋ ហើយនៅសល់នឹងត្រូវបានបំបែករវាងក្រុមហ៊ុន Brisben និងគ្រួសារ Schmitt៕
មតិយោបល់