ព្រះសីហនុ: ជនសង្ស័យចំនួន២នាក់ ត្រូវបានកម្លាំងកងរាជអាវុធហត្ថក្រុងព្រះសីហនុ ធ្វើការចាប់ខ្លួន កាលពីវេលាម៉ោង២និង៣០នាទី ថ្ងៃទី១៣ ខែកុម្ភ: ឆ្នាំ២០១៧ នៅចំណុចរង្វង់មូលតោ ក្រុមទី១០ ភូមិ៤ សង្កាត់៤ ក្រុង និងខេត្តព្រះសីហនុ។

ជនសង្ស័យដែលចាប់ខ្លួនបានមាន ទី១មានឈ្មោះ ជួន វណ្ណនឿន ភេទប្រុស អាយុ៣១ឆ្នាំ មុខរបរមិនពិតប្រាកដ មានស្រុកកំណើតសង្កាត់២ ក្រុងនិងខេត្តព្រះសីហនុ បច្ចុប្បន្នរស់នៅ ភូមិ១ សង្កាត់៤ ក្រុង-ខេត្តព្រះសីហនុ។ និងជនសង្ស័យទី២ឈ្មោះ ហៅ ឡេង ភេទប្រុស អាយុ២១ឆ្នាំ មុខរបរមិនពិតប្រាកដ មានស្រុកកំណើត ខេត្តព្រះសីហនុ បច្ចុប្បន្នរស់នៅក្រុម១៦ ភូមិ១ សង្កាត់៤ ក្រុងនិងខេត្តព្រះសីហនុ។

ក្នុងនោះដែរ កម្លាំងធ្វើការដកហូតបាន ម្សៅក្រាមពណ៌សថ្លា ចំនួន១កញ្ចប់ ទំងន់ថ្លឹងទាំងសម្បក ០.១៦ក្រាម,នាឡិកាដៃចំនួន១ និងទូរសព្ទដៃ១គ្រឿង។

បច្ចុប្បន្នវត្ថុតាងនិងជនសង្ស័យបញ្ជូនទៅទីបញ្ជាការមូលដ្ឋាន កងរាជអាវុធហត្ថ ខេត្តព្រះសីហនុ ដើម្បីសាកសួរ និងកសាងសំណុំរឿងបន្តបញ្ជូនខ្លួនទៅកាន់ តុលាការចាត់ការតាមផ្លូវច្បាប់ ៕