សេចក្តីស្រឡាញ់របស់បុរស ពេលខ្លះធ្វើឲ្យស្ត្រីពេញចិត្ត និងពេលខ្លះទៀតមានឥទ្ធិពលរហូតដល់អាចផ្លាស់ប្តូរទម្លាប់របស់ស្ត្រីបានទៀតផង ប៉ុន្តែពេលខ្លះក៏ធ្វើឲ្យស្ត្រីមិនពេញចិត្តផងដែរ។ ដូច្នេះហើយដើម្បីឲ្យដឹងថាស្ត្រីចូលចិត្តបុរសប្រភេទណាសូមមើលការបង្ហាញដូចខាងក្រោម៖
១. បុរសដែលមានមនោសញ្ចេតនា
ភាគច្រើននៃបុរសយល់ថា ស្ត្រីតែងតែបញ្ចេញមនោសញ្ចេតនារបស់ខ្លួនតាមរយៈទឹកភ្នែកជំនួសការនិយាយ ប៉ុន្តែមិនដូច្នោះទេភាគច្រើននៃស្ត្រីដែលចូលចិត្តបង្ហូរទឹកភ្នែកគឺជា កូនក្មេងតែប៉ុណ្ណោះ។ ផ្ទុយទៅវិញអ្នកត្រូវចងចាំថាស្ត្រីឆាប់ទន់ចិត្តណាស់នៅពេលដែលឃើញទឹកភ្នែករបស់បុរសដែលខ្លួនឯងស្រឡាញ់ហូរចេញមក ហើយនេះក៏ជាបច្ចេកទេសមួយដើម្បីសុំការលើកលែងទោសពីនាង នៅពេលដែលអ្នកធ្វើអ្វីមួយខុសឆ្គង។
២. បុរសដែលពូកែយកអាសារ
វាមិនមានអ្វីធ្ងន់ធ្ងរទេ ហើយក៏គ្មានអ្វីគួរឲ្យខ្មាស់អៀនដែរ សម្រាប់ការមើលថែទាំសុខភាពរបស់នាង ទោះបីជាក្នុងកាលៈទេសៈណាក៏ដោយ។ ទង្វើបែបនេះធ្វើឲ្យនាងមានអារម្មណ៍ថាអ្នកគឺជាបុរសតែមួយគត់ ដែលមានចិត្តល្អ ហើយចេះយកអាសារដល់នាងគ្រប់ពេលវេលា។ ស្ត្រីភាគច្រើនចូលចិត្តការឲ្យតំលៃពីបុរស និងសេចក្តីស្រឡាញ់ដែលមានសេរីភាព ព្រមទាំងមិនរើសអើងនូវអ្វីដែលខ្លួនមាន។
៣. មិនបង្ខំក្នុងជីវិតផ្លូវភេទ
បើទោះជាមានការស្រឡាញ់ខ្លាំងប៉ុណ្ណាក៏ដោយ បុរសមិនគួរប្រើប្រាស់ជីវិតផ្លូវភេទជ្រុលហួសហេតុពេកទេ ព្រោះពេលខ្លះស្ត្រីមានការធុញទ្រាន់ ឬក៏មានការនឿយហត់ច្រើន ចង់មានពេលសម្រាកគ្រប់គ្រាន់។ ដូច្នេះក្នុងនាមអ្នកជាបុរសគួរតែចេះមើលពីកាលៈឲ្យបានល្អ មិនត្រូវប្រព្រឹត្តិទៅតាមចំណង់របស់ខ្លួន ដោយគ្មានការយល់ព្រមពីស្ត្រីនោះទេ៕
មតិយោបល់