ប៉ូលិសនៅប្រទេសអាហ្សង់ទីនបានចាប់ខ្លួនមនុស្សម្នាក់ មិនស្គាល់ឈ្មោះ មានវ័យ ១៩ ឆ្នាំ ដែលត្រូវបានសមត្ថកិច្ចសង្ស័យថា ជាប្រធាននៃពួក hacker មួយ។
ក្រសួងសន្ដិសុខបានឲ្យដឹងកាលពីចុងសប្ដាហ៍មុនថា ជនសង្ស័យដែលជាកូនប្រុសរបស់វិស្វករម្នាក់ ត្រូវបានឃុំខ្លួននៅក្នុងខែកក្កដា នៅឯផ្ទះរបស់គាត់ នៅក្នុងតំបន់ Buenos Aires ប្រទេសអាហ្សង់ទីន។ បុរសម្នាក់នេះ ត្រូវបានគេសង្ស័យថា ជា Hack ដែលបានផ្ទេរប្រាក់ និងការលេងល្បែងស៊ីសងតាមរយៈអនឡាញ។
អាជ្ញាធរជឿថា Hacker រូបនេះ ជាកំពូល Hacker មួយរូប ដែលមានសមត្ថភាពខ្ពស់ និង Hack ម្តងៗ ចាប់ពី ៥០.០០០ ដុល្លារអាមេរិក ស្មើនឹង ៣៧,០០០ អ៊ឺរ៉ូ ដែលបានធ្វើឡើងនៅក្នុងបន្ទប់ក្រោមដីនៅក្នុងផ្ទះរបស់គាត់។
តាមរបាការណ៍បង្ហាញថា យ៉ាងហាចណាស់មាន Hacker ប្រាំមួយនាក់ផ្សេងទៀត ដែលប៉ូលិសបានចាប់ខ្លួន និងបញ្ចូនសំណុំរឿងទៅតុលាការ ដើម្បីកាត់ទោសទៅតាផ្លូវច្បាប់៕
មតិយោបល់