ដំរីមួយក្បាលរស់នៅតំបន់ឆ្នេរ Safari ភាគខាងត្បូងនៃរដ្ឋ Carolina បានចាត់ទុកឆ្កែមួយក្បាលជាមិត្តល្អបំផុត។ សត្វទាំងពីរនេះតែងតែប្រលែងគ្នាលេង និងរស់នៅប្រកបដោយភាពស្និទ្ធស្នាលបំផុត។
បុគ្គលិកនៃឧទ្យានសត្វព្រៃបាននិយាយថា Bubbles ដែលជាដំរីកំព្រា ចូលចិត្តលេងជាមួយនឹង Labrador ដែលជាសត្វឆ្កែពណ៌ខ្មៅមួយក្បាលនេះណាស់ ជាពិសេសនៅពេលដែលពួកវាលេងទឹកម្តងៗ ដំរីដែលមានទម្ងន់រហូតដល់ទៅ៤តោននេះ តែងតែឲ្យមិត្តដ៏ស្និទ្ធស្នាលរបស់ខ្លួនជិះពីលើខ្នង នឹងលោតទឹកលេងជានិច្ច។
Bubble បានរស់នៅក្នុងសហរដ្ឋអាមេរិកអស់រយៈពេលជិត ៣០ ឆ្នាំមកហើយ វាត្រូវបានគេបញ្ជូនទៅកាន់ប្រទេសនេះ បន្ទាប់ពីឪពុកម្តាយរបស់វាត្រូវបានអ្នកប្រមាញ់លួចសម្លាប់ ក្រោយមកក្រុមអ្នកអភិរក្សបានថែរក្សាដំរីកំព្រានេះរហូតមក។ព័ត៌មាននេះត្រូវបានប្រកាសដោយលោក Bhagavan Antle ដែលជានាយកគ្រប់គ្រងនៅឆ្នេរ Safari តាមរយៈប្រព័ន្ធអ៊ីនធើណែត៕
ទស្សនាវីដេអូឃ្លិបដូចខាងក្រោមនេះ៖
មតិយោបល់