បើយោងតាមប្រភពព័ត៌មាន Softpedia ដែលបានចុះផ្សាយនៅថ្ងៃទី២០ខែកញ្ញាឆ្នាំ ២០១៣ បានឲ្យដឹងថា មានភាពភ្ញាក់ផ្អើលមួយកើតមានឡើង ខណៈពេលដែលមានកូនគោមួយក្បាលកើតមកមានក្បាលពីរ នៅក្នុងកសិដ្ឋានមួយកន្លែងនៃតំបន់ Oregon សហរដ្ឋអាមេរិក។
កូនគោក្បាលពីរនេះបានកើតនៅក្នុងកសិដ្ឋានរបស់អ្នកស្រី Heidi Kirschbaum កាលពីថ្ងៃច័ន្ទកន្លងទៅ តែជាអកុសលបន្ទាប់ពីកើតមកមិនបានប៉ុន្មានផងវាក៏ស្លាប់ទៅវិញ ។ Kirschbaum ដែលមានអាយុ ៣១ឆ្នាំបានរស់នៅកសិដ្ឋានជាមួយឪពុកម្តាយ និងកូនរបស់អ្នកស្រី ហើយអ្នកស្រីមានគម្រោងបរិច្ចាគកូនគោក្បាលពីរនេះទៅគ្លីនិកពេទ្យសត្វមួយកន្លែង។
Kirschbaum បាននិយាយថា វាមិនគួរឲ្យជឿសោះដែលមានបាតុភូតដ៏កម្រនេះកើតឡើងនៅលើកសិដ្ឋានរបស់គាត់ ព្រោះនៅក្នុងកសិដ្ឋានមួយនោះកំពុងតែមានគោតិចផង៕
មតិយោបល់