នៅពេលនេះ ពាក្យចចាមអារ៉ាមដែលបាននិយាយថា ក្រុមហ៊ុន Beats Electronics គ្រោងទិញភាគហ៊ុនដែលនៅសល់ពីក្រុមហ៊ុនផលិតទូរស័ព្ទដៃតៃវ៉ាន់ HTC វិញ បានក្លាយជាការពិត។
យោងតាមសារព័ត៌មាន Phone Arena បានឲ្យដឹងថា ក្រុមហ៊ុន HTC និង Beats បានលក់ព្រមលើកិច្ចព្រមព្រៀងទិញ-លក់ភាគហ៊ុនចំនួន ២៥ភាគរយ ក្នុងតម្លៃ ២៦៥លានដុល្លារអាមេរិក។
កាលពីខែសីហា ឆ្នាំ ២០១០ ក្រុមហ៊ុនផលិតទូរស័ព្ទដៃតៃវ៉ាន់មួយនេះ បានទិញភាគហ៊ុនរបស់ Beats ចំនួន ៥០,១ភាគរយ ដែលជាម្ចាស់ភាគហ៊ុនធំជាងគេ នៅក្នុងតម្លៃ ៣០៩ដុល្លារអាមេរិកប៉ុន្តែក្រោយមក តារាចម្រៀងរ៉េប Dr Dre និងផលិតករ Jimmy Lovine ដែលជាស្ថាបនិក ក្រុមហ៊ុនផលិតកាសមួយនេះ បានទិញភាគហ៊ុនចំនួន ២៥ភាគរយមកវិញនៅក្នុងតម្លៃ ១៥០លានដុល្លារអាមេរិក ដូច្នេះ HTC នៅសល់ត្រឹមតែ ២៥,១ភាគរយ។
គួរបញ្ជាក់ផងដែរថា Beats ជាក្រុមហ៊ុនផលិតកាសត្រចៀក ដែលទទួលបានអាជ្ញប័ណ្ណបច្ចេកវិទ្យាតន្ត្រី ដោយវាត្រូវបានបង្កើតឡើងកាលពីឆ្នាំ ២០០៦ ដោយ តារាចម្រៀងរ៉េប Dr Dre និងផលិតករ Jimmy Lovine៕
មតិយោបល់