យោងតាមប្រភពព័ត៌មានបរទេសមួយ ដែលចុះផ្សាយនៅថ្ងៃទី ៤ ខែតុលា ឆ្នាំ២០១៣ បានឲ្យដឹងថា ក្មេងស្រីដ៏កម្សត់ម្នាក់ត្រូវបានជាប់ក្នុងការឃុំឃាំង និងទទួលរង់នូវការរំលោភសេពសន្ថវៈអស់រយៈពេល ២ ឆ្នាំកន្លះទើបអាចរំដោះខ្លួនចេញរួច។
នៅក្នុងកំណត់ហេតុរបស់ប៉ូលិសបានបញ្ជាក់ថា ក្មេងស្រីដែលទើបតែរៀនថ្នាក់ទី ៩ ម្នាក់នេះបានចាញ់បោកបញ្ជាតបុរសវ័យ ៣០ ឆ្នាំម្នាក់ដែលមានឈ្មោះថា Chand Bhati ដែលជាអ្នកជិតខាងរបស់នាង បានលួងលោមនាងចូលទៅក្នុងព្រៃដើម្បីថតរូប។ ដោយសារតែជឿពាក្យផ្អែមល្ហែមរបស់ Bhati ក្មេងស្រីរូបនេះបានធ្វើតាមដោយមិនដឹងថានឹងមានអ្វីកើតឡើងនៅពេលក្រោយនោះឡើយ។ ឃើញឱកាសល្អ Bhati បានវាយធ្វើបាបនាង រួចចាប់រំលោភម្តងហើយម្តងទៀត ក្រោយមកបុរសម្នាក់នេះបានចាប់ជនរងគ្រោះដាក់ចូលទៅក្នុងឡានមួយ រួចបញ្ចូនទៅកន្លែងផ្សេង។ ដើម្បីជៀសវាងពីការសង្ស័យរបស់ប៉ូលិស Bhati បានផ្លាស់ប្តូរពីកន្លែងមួយទៅកន្លែងមួយទៀតនៅក្នុងមួយឆ្នាំដំបូង ដោយឃើញស្ថានភាពស្ងប់ស្ងាត់ Bhati បានសម្រេចចិត្តនាំខ្លួននាងទៅនៅក្នុងរដ្ឋ Punjab ។
បើតាមសំដីរបស់ Denunciation ដែលជាជនរងគ្រោះនិយាយថា ជាច្រើនដងហើយដែលនាងគេចខ្លួនពី Bhati ប៉ុន្តែត្រូវបានចាប់ខ្លួនមកវិញ ហើយរងនូវការគំរាមគំហែងសម្លាប់ និងវាយដំយ៉ាងព្រៃផ្សៃ។ អស់រយៈពេល២ឆ្នាំកន្លះទើបនាងអាចរំដោះខ្លួនរួចពីកន្លែងឃុំឃាំងដ៏គម្រក់នោះ ភ្លាមៗនោះដែរជនរងគ្រោះព្រមទាំងក្រុមគ្រួសារបានដាក់ពាក្យបណ្តឹងទៅក្រុមប៉ូលិស ដើម្បីតាមចាប់ខ្លួនជនសង្ស័យ។ ឥឡូវលោក Bhati ត្រូវបានឃាត់ខ្លួន ហើយប្រឈមមុខនឹងការជាប់ពន្ធនាគារពីបទ ឃុំឃាំងមនុស្សខុសច្បាប់ ព្រមទាំងរំលោភសេពសន្ថវៈទៅលើក្មេងស្រីដែលពុំទាន់គ្រប់អាយុ៕
មតិយោបល់