កម្មកររករ៉ែពីរនាក់ដែលបានជាប់ខ្លួននៅក្រោមដីជាង 10 ថ្ងៃហើយនោះត្រូវបានក្រុមការងារជួយសង្គ្រោះរំដោះចេញកាលពីព្រឹកមិញនេះស្ថិតនៅតំបន់ខេត្ត Shanxi ភាគខាងជើងនៃប្រទេសចិន។
ក្រុមសង្គ្រោះបានជួយកម្មករទាំងពីរនាក់នោះចេញពីក្រោមដីបាននៅម៉ោងប្រមាណ 3 ព្រឹកនៅក្នុងតំបន់ជីករករ៉ែរបស់ក្រុមហ៊ុនក្នុងស្រុង Shanxi Coking Coal Group Co.,ltd ហើយត្រូវបានប្រភពព័ត៌មានបញ្ជាក់ថាមិនមានបញ្ហាណាចោទដល់អាយុជីវិតរបស់ពួកគេនៅឡើយ។ពួកគេកំពុងស្នាក់នៅមន្ទីរពេទ្យនៅឡើយមកត្រឹមពេលនេះហើយអ្វីដែលជាចម្ងល់ថាគេរស់រានជីវិតដោយរបៀបណានោះនៅមិនទាន់មានរបាយការណ៍បញ្ជាក់នៅឡើយដែរដោយនៅរងចាំការនិយាយបកស្រាយពីជនរងគ្រោះ។
មនុស្ស 10 នាក់ទៀតនៅបន្តបាត់ខ្លួននៅឡើយក្នុងចំណោម 12 ដែលបានជាប់ខ្លួននៅក្រោមដីក្រោយទឹកជំនន់ដែលបានវាយប្រហារទៅលើតំបន់នោះកាលពីថ្ងៃទី 28 កញ្ញាមកម្ល៉េះ៕
ព័ត៌មានជាតិ
មតិយោបល់