ថ្ងៃទី ១០ ខែតុលាឆ្នាំ ២០១៣ យោងតាមគេហទំព័របរទេសមួយបានឲ្យដឹងថា លោក Li Xiaohui បានថតយករូបភាពគួរឲ្យភ័យខ្លាចបំផុតនៅឱសថស្ថាននៃមន្ទីរពេទ្យមួយកន្លែង ក្នុងតំបន់ Chengdu ខេត្តស៊ីឈួន ប្រទេសចិន។ សត្វកណ្តុរទាំងនោះបានពាំ និងកកេរថ្នាំពេទ្យពីទូមួយទៅទូមួយទៀតពាសពេញកន្លែងឱសថស្ថានដោយគ្មានអ្នកណាដឹង។
ជាធ្មមតាថ្នាំត្រូវរក្សាទុកយ៉ាងស្អាតមុននឹងចែកជូនដល់អ្នកជំងឺ ហើយពួកគេមានភាពជឿទុកចិត្តរហូតដល់ឃើញរូបភាពនេះត្រូវបានបង្ហាះឡើងពួកគេមានការព្រួយបារម្មណ៍យ៉ាងខ្លាំងចំពោះការប្រើប្រាស់ថ្នាំទាំងនោះ។
សត្វកណ្តុរត្រូវបានគេដឹងថាអាចចម្លងជម្ងឺដូចជា អាសន្នរោគ ប៉េស ជំងឺពោះវៀន នឹងបាក់តេរីដែលអាចរីករាលដាលតាមរយៈទឹកនោមដ៏កខ្វក់ ឬចំណីអាហារដែលវាប៉ះពាល់។
ជារៀងរាល់ថ្ងៃមានកណ្តុរជិតបួនលានក្បាលបានកើតទូទាំងពិភពលោក ហើយនៅក្នុងខេត្ត Guangdong ប្រទេសចិនកណ្តុរបានក្លាយទៅជាអាហារដ៏ឆ្ងាញ់ដូចជា ខរ ធ្វើជាសម្ល ឬស៊ុប។ បើទោះបីជាសត្វមួយដែលកខ្វក់ និងចម្លងជម្ងឺក៏ដោយ ប៉ុន្តែពួកវាមានជីវជាតិឆ្ងាញ់ជាងសាច់មាន់បីដង៕
មតិយោបល់