ទីក្រុងដាម៉ាស ( 17/10/13 ) ៖ប្រភពព័ត៌មានពីទីភ្នាក់ងារសារព័ត៌មាន SANA បានរាយការណ៍កាលពីថ្ងៃព្រហស្បតិ៍ម្សិលមិញថាមេដឹកនាំទាហានកំពូលរបស់ប្រទេសស៊ីរីត្រូវបានគេបាញ់សម្លាប់នៅពេលលោកកំពុងបំពេញកិច្ចការងារនៅភាគខាងកើតនៅប្រទេស។
លោក Jameh Jameh ត្រូវបានស្គាល់ថាជាមនុស្សម្នាក់មានតំណែងខ្ពស់នៅក្នុងជួរកម្លាំងទាហានរបស់រដ្ឋាភិបាលស៊ីរីហើយលោកត្រូវបានបាញ់សម្លាប់នៅខណៈដែលកំពុងបំពេញភារៈកិច្ចជូនប្រទេសគឺបេសកកម្មការពារនិងបំបាត់ក្រុមភេវរកម្មនៅក្នុងតំបន់ Deir al-Zour ។ប្រភពសារព័ត៌មានរដ្ឋមិនបានបកស្រាយឲ្យបានក្បោះក្បាយពីមូលហេតុនៃការស្លាប់នោះទេតែប្រភពព័ត៌មានជាច្រើនទៀតបានសរសេរថាមេដឹកនាំរូបនេះត្រូវបានក្រុម Nusra ដែលមានការពាក់ព័ន្ធទៅនឹងក្រុមអាល់កៃដាបាញ់ចំក្បាលស្លាប់។
ការប្រយុទ្ធដ៏ខ្លាំងក្លារវាងក្រុមទាហានរដ្ឋាភិបាលស៊ីរីនិងក្រុម Nusra នៅតំបន់ Deir al-Zour បានអូសបន្លាយអស់រយៈពេលជាច្រើនឆ្នាំណាស់មក ហើយមន្ត្រីទាហាននិងទាហានជាច្រើននាក់ដែលបានបាត់បង់ជីវិតនៅក្នុងវិបត្តិមួយនេះ៕
មតិយោបល់