ទីក្រុងប៉េកាំង ( 17/10/13 ) ៖ក្រសួងអប់រំជាតិរបស់ចិនបាននិយាយកាលពីថ្ងៃព្រហស្បតិ៍ម្សិលមិញថារដ្ឋាភិបាលកណ្តាលចិនបានសម្រេចផ្តល់ថវិការជាតិចំនួន 80 ពាន់លានយន់ត្រូវជា 13 ពាន់លានដុល្លារតាំងពីឆ្នាំ 2011 សម្រាប់ក្នុងគោលបំណងការបង្កើនសារជាតិបំប៉នរាង្គកាយនៅក្នុងចំណោមសិស្សតាមជនបទដាច់ស្រយាល។
ថវិការបានប្រើប្រាស់សម្រាប់ទំនុកបម្រុងដល់ផ្នែកអាហារសម្រាប់សិស្សនិងរបស់ដែលពាក់ព័ន្ធដូចជាអាហារដ្ឋាននិងរបស់ជាច្រើនទៀតដែលអាចធ្វើឲ្យមានការកាត់បន្ថយចំណាយរបស់គ្រួសារជនបទសម្រាប់ការសិក្សារបស់កូនៗ។នៅលើវេបសាយរបស់ខ្លួនរដ្ឋាភិបាលចិនបាននិយាយថាថវិការនេះត្រូវបានផ្តល់ឲ្យទៅតាមពេលវេលាត្រឹមត្រូវការគ្រប់គ្រងថវិការដោយស្មោះត្រង់និងមិនមានភាពពុករលួយធ្វើយ៉ាងណាឲ្យវាបានទៅដល់ចំទីកន្លែងនិងមានប្រសិទ្ធិភាព។
លោក Lu Xin អនុរដ្ឋមន្ត្រីក្រសួងអប់រំចិនបាននិយាយនៅក្នុងសន្និសីទមួយនៅថ្ងៃម្សិលមិញបានឲ្យដឹងថាការងារសាងសង់អាហារដ្ឋាននិងរបស់ជាច្រើនទៀតដែលពាក់ព័ន្ធនឹងការផ្តល់អាហារសម្រាប់សិស្សនៅជនបទនោះជាកត្តាចម្បងហើយនឹងត្រូវសម្រេចបានទូទាំងប្រទេសនៅនិទាឃរដូវឆ្នាំក្រោយហើយលោកក៏បាននិយាយផងដែរថាគុណភាពភាពមិនប្រក្រតីណាមួយដែលទាក់ទងនិងអំពើពុករលួយដែលកើតចេញពីផែនការមួយនេះនឹងត្រូវដាក់ទោសយ៉ាងត្រឹមត្រូវបំផុត៕
មតិយោបល់