វ៉ាស៊ិនតោន ( 18/10/13 )៖អ្នកជំនាញអាមេរិកបានប្រកាសនៅថ្ងៃសុក្រនេះថាពុំមានការផលប៉ះពាល់ខ្លាំងអ្វីដែលបណ្តាលមកពីអាចម៌ផ្តាយថ្មីមួយទៀតដែលនឹងហោះមកប៉ះផែនដីនៅឆ្នាំ 2032 នោះទេ។
ដុំថ្មអាកាសមួយដែលត្រូវបានអ្នកវិទ្យាសាស្ត្ររកឃើញកាលពីថ្ងៃទី 8 តុលាដោយអ្នកជំនាញអវកាសមកពីប្រទេសអ៊ុក្រែន បានឲ្យដឹងថា វាបានហោះមកកៀកនឹងផែនដីនៅចន្លោះថ្ងៃទី 16 កញ្ញាហើយស្តិតក្នុងល្បឿនប្រមាណ 6,7 លានគីឡូម៉ែត្រក្នុងមួយម៉ោង។តាមរយៈល្បឿននិងការអង្កេតរបស់អ្នកជំនាញបានប៉ាន់ស្មានថាការមកដល់ផែនដីអាចនឹងខ្ទង់ឆ្នាំ 2032 ។
ទោះបីជាយ៉ាងណាអ្នកជំនាញអាមេរិកបញ្ជាក់កុំឲ្យមានការភ័យខ្លាចពីព្រោះថានៅមិនទាន់មានការបញ្ជាក់ច្បាស់ពីការប៉ះពាល់ខ្លាំងដល់ពិភពផែនដីយើងដែរបើទោះបីជាគេបានដឹងថាអាចម៌ផ្តាយមួយនេះអាចមានទំហំប្រវែងប្រហែល 300 ទៅ 700 ម៉ែត្រ៕
មតិយោបល់