របាយការណ៍របស់ការិយាល័យស្ថិតិជាតិ បានឲ្យដឹងថា សេដ្ឋកិច្ចចិនបានកើនឡើង ៧,៨ភាគរយ ដូចការព្យាករទុកនៅក្នុងត្រីមាសទី៣ បើធៀបនឹងឆ្នាំមុន។
សារព័ត៌មាន Bloomberg បានព្យាករថា ផលិតផលក្នុងស្រុកសរុបរបស់ចិនកើនឡើង៧,៨%ដែរបន្ទាប់ពីកើនឡើង៧,៥%នៅក្នុងត្រីមាសទី២ ។
តាមរបាយការណ៍បានឲ្យដឹងថា ផលិតកម្មឧស្សាហកម្ម បានកើនឡើង ១០,២%នៅក្នុងខែកញ្ញាធៀបនឹងឆ្នាំមុន។ ចំណែកការវិនិយោគលើទ្រព្យសកម្មជាប់លាប់ដោយមិនរាប់បញ្ចូលគ្រួសារនៅជនបទបានកើនឡើង ២០,២%នៅក្នុងអំឡុងខែមករាដល់កញ្ញា ធៀបនឹងរយៈពេលដូចគ្នាកាលពីឆ្នាំមុន។ ជាមួយគ្នានេះដែរ ការលក់រាយនៅក្នុងខែកញ្ញាបានកើនឡើង ១៣,៣%បើធៀបនឹងឆ្នាំមុន។
ក្នុងរយៈពេល៩ខែដំបូងឆ្នាំនេះ GDP របស់ចិនបានកើនឡើង៧,៧%ធៀបនឹងឆ្នាំមុន នេះបើយោងតាមរបាយការណ៍ដដែល៕
មតិយោបល់