យោងតាមការសិក្សាមួយបានបង្ហាញឱ្យដឹង ថា មើមខ្ទឹមសអាចមានប្រយោជន៍ប្រើធ្វើជា ឱសថព្យាបាលជំងឺឡើង ឈាម។ បណ្តាវេជ្ជបណ្ឌិតអូស្ត្រាលីបានចុះឈ្មោះអ្នកជំងឺ ៥០ នាក់ដើម្បីធ្វើការសាកល្បងឱ្យឃើញពីប្រសិទ្ធភាពនៃ មើមខ្ទឹមសថាតើពិតជាអាចជួយអ្នកដែលមាន សម្ពាធឈាមឡើងខ្ពស់នេះបានដែរឬទេ។
ជាលទ្ធផលអ្នក ដែលបានប្រើថ្នាំឱសថផ្សំពីមើម ខ្ទឹមសសុទ្ធសាទចំនួន ៤ គ្រាប់ក្នុងមួយថ្ងៃ សម្ពាធឈាមថយចុះជាងអ្នកដែលធ្វើពិសោធន៍ តាម Placebo។ទោះបីជាយ៉ាងនេះក្តីមូលវិធីស្រាវជ្រាវលើជំងឺបេះដូងរបស់អង់គ្លេសបានឱ្យដឹងថាចាំបាច់ត្រូវតែមានការសិក្សាលើ
ផ្នែកនេះបន្ថែមទៀត ។
តាំងពីយូរយារណាស់មកហើយ មើមខ្ទឹមស ត្រូវគេគិតថាជាឱសថដ៏ល្អសម្រាប់សម្រួលបេះដូង។ទាម ការសិក្សាពីលើកមុនសារធាតុនៅក្នុង ខ្ទឹមសអាចជួយបន្ថយជាតិខ្លាញ់ (Cholesterol) ព្រមទាំងសម្ពាធឈាម ឡើងខ្ពស់។
ដោយឡែកតាមការសិក្សាមួយផ្សេងទៀតនៅប្រទេស ញូវហ្សេឡែន ដែលចេញផ្សាយកាលពីឆ្នាំ ១៩៩៩ បានបញ្ជាក់ថា ខ្ទឹមសមានលទ្ធភាពប្រយុទ្ធប្រឆាំងនឹងជំងឺមហារីកបានទៀតផង។ តែអ្វីដែលមិនបានធ្វើឱ្យមនុស្សភ្ញាក់ផ្អើលខ្លាំងនោះ គឺដោយសារការសិក្សានោះគេធ្វើពិសោធន៍តែនៅលើសត្វកណ្តុរប៉ុណ្ណោះ ។ប៉ុន្តែទោះបីជាយ៉ាងនេះក្តី វាពុំមានផលប៉ះ ពាល់ផ្នែកសុខភាពណាមួយនៅក្នុងការទទួលទាន មើមខ្ទឹមសច្រើននោះទេ ។ បន្ទាប់មកនៅខែ តុលា ឆ្នាំ ២០០៩ ក៏មានការចេញផ្សាយនៃ លទ្ធផលលើការសិក្សាមួយផ្សេងទៀតដែលបាន អះអាងថា មើមខ្ទឹមសល្អសម្រាប់បេះដូង ។
ហេតុផលនៃការអះអាងបែបនេះ គឺដោយ សារសារធាតុវត្ថុរាវឈ្មោះ Allicin ឬ C6H 10OS2 ដែលបំបែកខ្លួនទៅជាសមាសធាតុ ស្ពាន់ធ័រមានក្លិនស្អុយមានប្រតិកម្មជាមួយ កោសិកាឈាមក្រហម ហើយបង្កើតបានជាអូដ្រូសែន ស៊ុលភីដ ដែលអាចជួយសម្រួលសរសៃឈាម និងធ្វើឱ្យឈាមដើរបានស្រួល៕
មតិយោបល់