យោងតាមគេហទំព័របរទេសមួយបានឲ្យដឹងថា បុរសម្នាក់បានរកឃើញរុយ ៥០ ក្បាលនៅក្នុងស្រាបៀរមួយដបដែលគាត់បានទិញនៅផ្សារទំនើបក្នុងស្រុកមួយ នៃចក្រភពអង់គ្លេស។ លោក Daniel Bailey បាននិយាយថាគាត់បានឃើញរុយដែលងាប់ ៥០ ក្បាលនៅក្នុងស្រាបៀរដែលគាត់បានទិញនៅហាង Asda ក្នុងទីក្រុង Nuneaton ខណៈដែលគាត់បានចាប់ផ្តើមផឹកវា។ ប៉ុន្តែបុរសវ័យ ២២ ឆ្នាំរូបនេះបានផឹកស្រាបៀរ Gold របស់ក្រុមហ៊ន Foster អស់ចំនួនពីរដបទៅហើយនៅក្នុងចំណោមស្រាបៀរទាំង ៦ ដប។ លោក Daniel និងមិត្តភក្តិរបស់គាត់បានយកដបនោះទៅហាង Asda វិញនៅថ្ងៃបន្ទាប់ ហើយក៏បានទទួលលុយរបស់គាត់មកវិញផងដែរ។ ប៉ុន្តែអ្នកគ្រប់គ្រងនៅក្នុងផ្សារទំនើបនោះមិនបានបកស្រាយពីមូលហេតុដែលបណ្តាលឲ្យមានសត្វរុយងាប់ជាច្រើនក្បាលនៅក្នុងស្រាបៀរមួយដបនោះទេ៕
ព័ត៌មានជាតិ
មតិយោបល់