យោងតាមគេហទំព័រ yourjewishnews បានឲ្យដឹងថា តាមរបារណ៍របស់ប៉ូលិសនៅក្នុងរដ្ឋ Pennsylvania សហរដ្ឋអាមេរិច មាន ក្មេងវ័យជំទង់ពីរនាក់ត្រូវចាប់ខ្លួនពីបទវាយដំលើមនុស្សចាស់នៅកន្លែងចំណត់រថយន្ត។
ក្មេងជំទង់ទាំងពីរនាក់ដែលមានអាយុ ១៧ ឆ្នាំត្រូវបានប៉ូលិសចោទប្រកាន់ប្រើអំពើហឹង្សាទៅលើមនុស្សចាស់ដែលមានវ័យ ៦៥ ឆ្នាំក្នុងជម្លោះនៅកន្លែងចតរថយន្ត ប៉ុន្តែ ពួកគេទាំងពីរមិនត្រូវបានបញ្ចេញឈ្មោះនោះទេ ព្រោះស្ថិតនៅក្នុងវ័យអនិតិជន។
ហេតុការណ៍បានកើតឡើងនៅថ្ងៃសុក្រពេលល្ងាចម៉ោង ២ ដែលសកម្មភាពនោះត្រូវបានចាប់ដោយកាមេរ៉ាសុវត្ថិភាព ប៉ូលិសបានបន្តទៀតថាក្មេងជំទង់នោះបានវាយដំគាត់ដោយប្រើមែកឈី និងដាល់គាត់ពេញទំហឹង។ បន្ទាប់ពីធ្វើសកម្មភាពរួចក្មេងទាំងពីរនាក់នោះបានរត់គេចខ្លួនមុនពេលប៉ូលិសទៅដល់ ប៉ុន្តែត្រូវគេកំណត់អត្តសញ្ញាណបានដោយសារសាក្សីនៅទីនោះ និងតាមរយៈវីដេអូ។
ក្មេងទាំងពីរនោះត្រូវបានចោទប្រកាន់ពីបទប្រើអំពើហឹង្សា និងប្រព្រឹត្តខុសគន្លងធម៌ទៅលើមនុស្សចាស់៕
មតិយោបល់