ទីក្រុង Chigago( 23/10/13 )៖ក្រុមហ៊ុនផលិតរថយន្តម៉ាក Nissan បានបញ្ជាហៅយករថយន្តប្រមាណជា 153,000 គ្រឿងត្រឡប់មកវិញក្រោយការត្រួតពិនិត្យឃើញមានបញ្ហាហ្វ្រាំងហើយភាគច្រើននៃចំនួននេះគឺស្ថិតនៅក្នុងអាមេរិក។
ប្រភេទរថយន្តដែលត្រូវបញ្ជាហៅយកមកវិញមានដូចជាស៊េរី Pathfinder SUVs 2013-2014, 2013 Infiiti JX35, និងម៉ាក 2014 Infiniti QX60 crossover ជាដើម។អ្នកជំនាញជប៉ុនដែលផលិតរថយន្តនេះបានបញ្ជាក់ថាការសាកល្បងបានឲ្យដឹងថាប្រព័ន្ធហ្វ្រាំងមានការយឺតយ៉ាវជាងអ្វីដែលអ្នកបើកបរចង់បានហើយវានឹងធ្វើឲ្យមានការប្រឈមមុខនឹងគ្រោះថ្នាក់ខ្លាំង។
នៅក្នុងចំណោមរថយន្ត 153,000 គ្រឿងមាន 151,695 គ្រឿងដែលនឹងយកមកពីអាមេរិកនិងបន្ទាប់បន្សំទៀតនៅប្រទេសកាណាដា ចិន រុស្ស៊ី មិចស៊ិចកូ និងប្រទេសមួយចំនួនទៀតបើទោះបីជាមិនទាន់មានរបាយការណ៍ណាមួយដែលទាក់ទងនឹងគ្រោះថ្នាក់ដែលបណ្តាមកពីបញ្ហានេះនៅឡើយ៕
មតិយោបល់