ក្មេងស្រីម្នាក់អាយុប្រមាណ 13 ឆ្នាំត្រូវបានបុរសដល់ទៅបីនាក់ចាប់រំលោភនៅក្នុងភូមិមួយនៃប្រទេសឥណ្ឌាហើយយកនាងទៅដុតទាំងរស់រហូតដល់ស្លាប់។
នាងត្រូវបានដាច់ខ្យល់ស្លាប់ក្រោយបញ្ជូនទៅកាន់មន្ទីរពេទ្យ ដោយសារការរលាកភ្លើងដែលប្រហែល 80 ភាគរយត្រូវបានឆេះរូបរាងកាយក្មេងស្រីដ៏គួរឲ្យអាណិតរូបនេះ។ក្មេងស្រីម្នាក់រស់នៅក្នុងភូមិភាគខាងជើងនៃរដ្ឋUttar Pradesh ហើយនាងនៅរៀនថ្នាក់ទី8។
មុនពេលកើតហេតុក្មេងស្រីរងគ្រោះបានដើរទៅកសិដ្ឋានជាមួយនឹងបងស្រីតែពេលត្រឡប់មកវិញនាងក៏ត្រូវបុរសបីនាក់ចាប់នាងយកទៅរំលោភម្នាក់ម្តងរហូតបានសម្រេចហើយពួកគេខ្លាចនាងប្រាប់អ្នកភូមិហេតុដូច្នេះបុរសទាំងបីនាក់សម្រេចចិត្តដុតនាងទាំងរស់។បងស្រីរបស់នាងបានព្យាយាមរត់ទៅប្រាប់ឪពុកម្តាយនិងអ្នកភូមិឲ្យទៅតាមរកនាងវិញតែពេលមកដល់នាងត្រូវបានភ្លើងឆេះស្ទើរតែទាំងអស់ទៅហើយ។
ប៉ូលិសបានអះអាងថាជនសង្ស័យជាអ្នករស់នៅភូមិជាមួយហើយកំពុងតាមដាននិងស្វែងរកភស្តុតាង និងឈានទៅដល់ការចាប់ខ្លួន៕
ព័ត៌មានជាតិ
មតិយោបល់