ជប៉ុន៖ថ្មីៗនេះក្រុមអ្នកវិទ្យាសាស្ត្រជនជាតិជប៉ុនបានសាកល្បងបានជោគជ័យនូវកាំភ្លើងធំដែលអាចមានសមត្ថភាពបាញ់កម្ទេចអាចម៌ផ្កាយដែលអាចបង្កគ្រោះថ្នាក់ដល់ផែនដីនោះ។ផែនការមួយនេះគឺស្ថិតក្នុងគម្រោងមួយសម្រាប់ការពារផែនដីពីអាចម៌ផ្កាយមួយដែលមានឈ្មោះ 1999JU3 ដែលជឿជាក់ថានឹងអាចមកប៉ះផែនដី។
The Space Cannon ដែលជាអាវុធសម្រាប់ប្រើប្រាស់នៅក្នុងលំហអាកាសនេះនឹងត្រូវបាញ់បង្ហោះទៅក្នុងអាកាសដោយគ្រាប់រ៉ូកែតរបស់ក្រុមហ៊ុនរបស់ជប៉ុន Japan Aerospace Exploration Agency (JAXA) នៅក្នុងកំឡុងពេលឆ្នាំក្រោយហើយចម្ងាយផ្លូវរបស់វាដើម្បីចូលទៅដល់ផ្លូវនៃអាចម៌ផ្កាយ 1999JU3 មានរយៈពេលប្រហែលជាជិត 4 ឆ្នាំឯណោះ។
បើទោះបីជាមាននៅសល់រយៈពេលបួនប្រាំឆ្នាំទៀតសម្រាប់ការរងចាំនូវលទ្ធផលនៃការបាញ់បំបែកអាចម៌ផ្កាយនោះតែអ្នកវិទ្យាសាស្ត្រជឿជាក់ថាបើសិនជាលទ្ធផលវិជ្ជមាននោះកំទេចដីនៃអាចម៌ផ្កាយអាចនឹងក្លាយជាគន្លឹះសំខាន់ក្នុងការបកស្រាយភាពអាថ៍កំបាំងនៃពិភពអវកាស៕
មតិយោបល់