យោងតាមប្រភពព័តមាន kizzmedia បានឲ្យដឹងថា សុខភាពគឺជារឿងដ៏សំខាន់បំផុតសម្រាប់មនុស្សម្នាក់ៗ ដែលយើងគ្រប់រូបគួរតែប្រើវិធីសាស្ត្រមួយចំនួនដើម្បីរក្សាសុខភាពឲ្យបានល្អ។ ប៉ុន្តែវិធីដែលធ្វើឲ្យមានសុខភាពល្អមានច្រើនប្រភេទ តែយើងសូមលើកយកតែចំណុចងាយៗមួយចំនួនមកបង្ហាញដូចខាងក្រោម៖
១. បរិភាគអាហារដែលមានតុល្យភាព
ការបរិភាពអាហារឲ្យបានត្រឹមត្រូវអាចជួយគ្រប់គ្រង ឬកាត់បន្ថយសំពាធឈាមឡើងខ្ពស់ ជម្ងឺទឹកនោមផ្អែម និងជម្ងឺបេះដូងជាដើម។ អាចបរិភាគបន្លែ និងអាហារដែលមានជាតិខ្លាញ់តិចធ្វើឲ្យមនុស្សមានសុខភាពល្អ។
២. ទទួលទានដំណេកឲ្យបានគ្រប់គ្រាន់
មិនបានទទួលទានដំណេកគ្រប់គ្រាន់ធ្វើប៉ះពាល់ដល់បេះដូង សម្តាធឈាមឡើងខ្ពស់ និងបញ្ហាសុខភាពផ្សេងទៀត។ ដូច្នេះហើយមនុស្សពេញវ័យត្រូវតែទទួលទានដំណេកចាប់ពី ៧ ទៅ ៨ ម៉ោងក្នុងមួយថ្ងៃ ជាពិសេសនៅពេលយប់ធ្វើឲ្យមានសុខភាពល្អបំផុតសម្រាប់សុខភាព។
៣. ធ្វើលំហាត់ប្រាណ
ការហាត់ប្រាណទៀងទាត់ជួយកាត់បន្ថយសម្ពាធឈាមឡើងខ្ពស់ និងធ្វើឲ្យការរស់នៅរបស់មនុស្សមានសុខភាពល្អ។
៤. តមការជក់បារី
មជ្ឍមណ្ឌលគ្រប់គ្រង និងការពារជម្ងឺដែលទាក់ទងនឹងការជក់បារីបានធ្វើការកំណត់ថា មនុស្សម្នាក់ក្នុងចំណោមមនុស្សប្រាំនាក់បានស្លាប់ជារៀងរាល់ឆ្នាំនៅសហរដ្ឋអាមេរិក។ ការជក់បារីអាចប្រឈមមុខនឹងការឆាប់ស្លាប់ដោយសារជម្ងឺមហារីកសួត និងអាចបង្កឲ្យមានហានិភ័យជម្ងឺសសៃឈាមក្នុងបេះដូង ព្រមទាំងជម្ងឺដាច់សសៃឈាមក្នុងខួរក្បាល។
៥. គ្រប់គ្រងស្ត្រេស
ក្រសួងសុខាភិបាលអាមេរិកបានប្រកាសថា ភាពតានតឹងក្នុងអារម្មណ៍ក៏អាចធ្វើឲ្យប៉េះពាល់ដល់បេះដូង សម្ពាធឈាមឡើងខ្ពស់ ជម្ងឺធ្លាក់ទឹកចិត្ត ការថប់អារម្មណ៍ និងបញ្ហាសុខភាពផ្សេងទៀត។ ការរៀនពីរបៀបគ្រប់គ្រងភាពតានតឹង អាចជួយឲ្យលោកអ្នកមានអារម្មណ៍កាន់តែប្រសើរឡើងជារៀងរាល់ថ្ងៃ និងធ្វើឲ្យអ្នកមានអាយុកាន់តែវែង។ ដូច្នេះហើយអ្នកគួរតែចំណាយពេលខ្លួនសម្រាប់វិស្សមកាល ទៅលំហែអារម្មណ៍នៅកន្លែងផ្សេងៗដើម្បីទទួលយកអ្វីដែលប្លែកៗ។
៦. បង្កើតមិត្ត
មិត្តភក្តិនិងក្រុមគ្រួសារអាចធ្វើឲ្យទំនាក់ទំនងទាំងសុខភាពរាងកាយ និងសុខភាពផ្លូវចិត្តកាន់តែប្រសើរឡើង។ នាក់ដ្ឋានសង្គមនៅវ៉ាស៊ីនតោន និង សេវាកម្មសុខភាពបានធ្វើសេចក្តីរាយការណ៍ថា មនុស្សដែលមានទំនាក់ទំនងនៅក្នុងសង្គម ឬក៏ក្នុងក្រុមគ្រួសារយ៉ាងជិតស្និត ធ្វើឲ្យប្រព័នភាពស៊ាំកាន់តែខ្លាំង និងទទួលរងនូវជម្ងឺធ្លាក់ទឹកចិត្តតិចតួចបំផុត។
៧. ត្រួតពិនិត្យសុខភាព
ការពិនិត្យសុខភាពអាចជួយឲ្យលោកអ្នកដឹងពីបញ្ហាសុខភាពផ្សេងៗ មុននឹងធ្លាក់ខ្លួនទៅជាអ្នកជម្ងឺធ្ងន់ធ្ងរ អ្នកអាចធ្វើការទប់ស្កាត់ និងព្យាលបាលទាន់ពេលវេលា៕
មតិយោបល់