ក្រុមហ៊ុនប្រេងយក្សរបស់ចិន PetroChina បានឲ្យដឹងនៅថ្ងៃអង្គារម្សិលមិញនេះថាប្រាក់ចំណេញសុទ្ធបានកើនឡើង ៩,៦ភាគរយសម្រាប់បីត្រីមាសដំបូងឆ្នាំ ២០១៣ ដោយសារតែក្រុមហ៊ុនបានសម្របខ្លួនទៅតាមទីផ្សារ ព្រមជាមួយការផ្លាស់ប្ដូរទីផ្សារមួយចំនួន។
ប្រាក់ចំណេញសុទ្ធនៅចន្លោះខែមករា-កញ្ញា មានចំនួន ១៥,៥ពាន់លានដុល្លារអាមេរិក ជាមួយនឹងប្រាក់ចំណូល ៥,៨ភាគរយក្នុងមួយហ៊ុន។ នេះបើយោងតាមរបាយការណ៍របស់ក្រុមហ៊ុន។
ទីផ្សារប្រេងឆៅ និងឧស្ម័នធម្មជាតិបានកើនឡើង ២,២ភាគរយ ស្មើនឹង ៦៩៨លានប៉ារែល និង ៥ពាន់លានមែត្រគូប។
នៅក្នុងរយៈពេល ៩ខែដំបូង ក្រុមហ៊ុន PetroChina ផលិតបានប្រេងឆៅចំនួន ៧៣៤,៥បារ៉ែល បើធៀបនឹងដើមឆ្នាំធ្លាក់ចុះ ១,២ភាគរយ។ ការធ្លាក់ចុះនេះមិនមែនមានតែក្រុមហ៊ុនមួយនេះនោះទេ ក្រុមហ៊ុនផ្សេងៗក៏បានធ្លាក់ចុះផងដែរ ដោយសារតែតម្លៃប្រេងកើនឡើង។
គួរបញ្ជាក់ផងដែរថា PetroChina មានទីតាំងនៅក្នុងប្រទេសចិន ដែលជាបុត្រសម្ព័ន្ធរបស់ក្រុមហ៊ុនប្រេងជាតិចិន China National Petroleum Corporation៕
មតិយោបល់